Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Ӈэнэвкэ̄ндеһинчэн уһу. Мит бэеӈит Иһāрдан-дэвэ̄рдэн тэты̄лкэ̄н 230 Дэгилтэр сōӈку Дэвэлчэ̄н, Тарā дōлдыксā, тыкӯликсā, Игим сэ̄ксэ̄н ēһалāн истан, Ниравй сэксэн нёвардулāн истан, Уһук сэ̄ксэн урлэ̄н тыктэн. Э̄р минӈэчйн бэевэ, АМа йдук эмэксэл, Бй сумут сумувув мултэ̄вкэ̄нды̄ Илан Сивӣрдӯ āчин бимчэ бичэ̄н. Э̄р ӯгӯ буга аһāкāнин 240 ӯгӯ бугадӯ балдычā биһим гуннэ Минэвэ сэнэ̄рйн ēдӯ сōтаран Гуннэ тыкӯлчā биӈэ̄т. Де бй нуӈанмāн Ӣлэ̄-дэ̄ истакин, бокониксā, Сэнэ̄кэ̄тнэ эвӣнэвэ̄н Бокончӯдиӈāв бōллага гуннэ Тулуйдиӈāн гунчэрйвй сэппӣ тэринилчэ̄, Манды̄ гунчэрйвй тэтты̄ тэты̄лвй тэтчэ̄. Тар некэксэ̄ тыкэ̄н гуннэ 250 Тӯрэ̄чй-сэһэчй ōдяча уһу: « Гирōкāнин-гирōкāнин! Угӯ бугадӯ ōскēчэ̄ Э̄дēн-Едяксит энилкэ̄н, Аӣһитмандя̄ амилкāн Мэӈункэ̄н гунмурй киливлй, Ноноптын дорбво бигин, Амаргӯн улгӯр ōгин! Угӯ бугадӯ ōскēмнйл Угӯ буга мāтāлин, 260 ӯгӯ бугадӯ балдычāт гуннэл Сōт-тā сэнэ̄рйл биһис ивит. Минэвэ ӈи, эмэксэ̄, Э̄мник оронмогочйн Улгэ̄р элгӯрит уһйвуксЭ, Иһāрдан дэвсэлкэ̄н нэ̄мэ̄вэ тāниксā, Ӈӣ курбувчуну эвӣксэ̄, Минэвэ кēйдиӈāн гуннэл, Горо бугадук илдитпэ Э̄мувчэ̄л бинэл-бинэл. 270 Тавар тӯрэ̄нды дю̄гӯдӯн Ӈонум удявас удядиӈāв, Э̄мӈэ йрвас кэрийдиӈэ̄в, Няӈнялā дэгиликсэ̄, этэ̄нды суптыра, Дӯндэлэ̄ тимириксэ̄, этэ̄нды сэ̄мдэ!