Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

ӯгӯ няӈнядӯ ōскēчэ̄-балдычā 180 Айһитмандя̄ этыркэ̄н амилкāн бичэ̄в. Илан ӈāлачи лэ̄птэ̄ркэ̄н иманнадӯ Тӯктэн эһӣ сāвра Багдарин тӯксу соногоһилкāн Мэӈункэ̄н гунмурӣ ōдам. Ēкун гэрбӣдӯн эмэнды гунэкис, Э̄р сӯ гэрбйһун Илан Сивйрвэ дэ̄лтэрэн, Сōниӈ суракиһун Ситэримэ сувулунан. 190 Тарит һуӈту бугал Сōӈку атамāрин Илтэнды̄ туксугучӣн албаһичӣл, Суптырӣ туксугучйн кувулгатычйл Сӯ гэрбӣлэ̄һун эмэрӣтын Дагамаран гуннэ Синдӯ Э̄дēн-Едяксит Илдитпэ уӈрэн. Тар ēкун гунэкис, Сōниӈил эмэрэктын сōмкалмй, 200 Дюлāкин ӈāлатпӣ йксэ, Сōӈку сумувӣ эӈнэгин эллэ̄рэ, Коӈнорйн улдэ колтотпй йксэ̄, Э̄ӈэһйвй эӈнэгин манара. Ēмй-кат илбиһилкэ̄н унигдама Гидави нёравкāнигин, Дю̄р дяпкун ōвāтылкāн Алаӈатпй аһамāнигнагин. Албаһилкāрдӯ албаһитпй, Кулдюһалдӯ кувулгатытпй 210 ӯрэ̄тмй урэ̄тчиӈэ̄н гунэн. Тар илдитпэ̄н инчӯнэ эмэксэ̄, Элэкин-дā ом: дэгрй дэктэндэлкэн Дюр дэктылэ̄н уманин, Мӯмэ сэ̄ксэ бксā, исты̄н буга ивит, Дыгин һалгалкāн бимй, эрэгэмэ эһӣн соруна Горо дӯндэ бивкй ивит. Бугалāвй сōмат ӯтāм, Бй бугалāвй аяннāкта, Сӯ бугадӯвар эмэ̄нмукэлду. 220 Кулдюһал кувулгатыл эктын кēйда, Тыӈэлкэ̄ндук экэлду тыктэ, Дялалкāндук экэлду судурдэ. Буралия бурасты̄ бигин!» — Э̄һит һунāт, тыкэ̄н гуниксэ̄, Дылачā ю̄птумэвэ̄н ичэһиниксэ, Коӈнорйн туксуӈдӯвй тэгэксэ̄,