Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

2380 Адяс аһӯпчара-кат энэ Иркимэктэ иркин бэю̄н Авдӯлкāн Иркинӣчэ̄н Мэ̄нин энин бугалāн Эр-дэ̄т эмэрэ. Мэӈумэ сэргэвӣ тэкэндӯн Иркимэктэ иркин бараксан Дергэс илиһинчаран ивит. Тар амардукин ӯгйт томкоды̄н уһйе āчин, 2390 Дӯндэдук сирэ̄нды̄н ситимйэ āчин Солкомо дюкчā дю̄дук Егин дāрилкāн Солкомо ню̄риктэлкэ̄н Солкондор киливлй ю̄мэлчэрэн. Де эмэчэ̄л бэеӈилвй Дэ̄птыкӣ эмэксэ̄, дорōворон. Иркин бэю̄н авдӯлкāн Иркинӣчэ̄н мāтāткāн, Ая аһӣ 2400 Ая̄кчāн Ивēкчāн киливлй, Егин дāрилкāн Солкомо ню̄риктэлкэ̄н Солкōкчōн бинэл иланӣ Угэ̄н һэмурдуктын Илатал камияк укуню ю̄кнэн, һэргӯ һэмурдуктын Нюӈтэл нёска имӯрэн ю̄кнэн Иксарит нюканӣмāтта. Тар амардукин 2410 Дыгин кирйлкāн алаһа дю̄лāвар, Того бэгин эһэкэ̄лэ̄вэр Элгэмэ̄тнэ ӣрэ. Де тар амардукин Эр егин дāрилкāн Солкомо ню̄риктэлкэ̄н Солкондор киливлй, ю̄ксэ̄, Дыгин дян дыгин нулги Тугурумчэлкэ̄н мэӈумэ курēндēдӯвй Дялум илан дэткэ̄н дэлэмйчэ̄вэ 2420 Умнэ̄-дюрэ̄ эӈтэвкэ̄һинэн. Де акта аяргӯн нуӈандӯн, Байтаһун бастыӈин нуӈандун, Бē бургур 1 ӯн нуӈандӯн, Огус олусман нуӈандӯн, Тадук-тā һуӈту аӣ девгэ̄н — Дурукин нуӈандӯн ōдан. Сйнманавй ситанды̄дин астāран,