Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Сбӈку сумут иркимэктэ Иркин бэю̄н авдӯн Дыӈнйкэ̄ндивй муннэкэ̄тнэ Ичэһиниксэ̄, һурумдиӈāн эвгидэ̄лйн, Тӯрэ̄һиниксэ̄, эрйһиндиӈэ̄н эвгидэ̄лӣн, Иркин бэю̄н авдӯ бараксан Кэӈтырэ̄дӯн мӯ тэ̄ӈкикнэн бургуксō, һунӈӣвй дюлэлэ̄н эмэксэ̄, 2340 Эр коруиһинчаран ивит. Де тарā ичэнэтын биһэмдэ Екун сэ̄виһин дурукин Мэ̄ндӯн уӈкувну ōвчāгачйн Мэӈумэ ая нэ̄мэтэй, Мэӈумэ улгэ̄р нēгӯтай ōкин-да тыгдэ эчӣн улара, ōкин-дā иманда эчйн тэгэрэ. Де ирэндэн, ōнӣн-дā Соруян анāн аилинчā-дā ивит. 2350 Урэ̄мкэ̄дэ̄ ичэдэ āчин, Колōмкōдō коловур āчин — Дёкчā-дā ивит нуӈан. Де мит бэеӈит Ая аһй Ая̄кчāн Ивēкчāн Гунмурӣ киливлӣва Анӈӯ сēптӯвй ды̄ксэ̄, Иркимэктэ иркин авдӯвй оёлōн Кара һорокӣткāнӈачӣн капкāн һэтэкэнчэрэн-дэ Балдыдя̄к аӣ бугаткāкӣвӣ ӈэнэвкэ̄ндерэн ивит. 2360 Эр иркимэктэ иркин Бэю̄н авдӯ бараксан, Дэрумкйксэ̄, ēдӯ-дā эһӣ колōвро Коӈнокилкāн аянин нӣвуксэ̄, Кукчāкāрин игды̄ ӣгин Гӯла урэлдулэ̄ гуӈинтāлдан, Ня̄ликин мōва нялбурагар сурурун, Бучӯкин мōва буктарагар ӈэнэрэн. Тэнйнэгэчӣн дӯндэлди Нэптэлмӣгдэ тэвиннэ, 2370 Томтор дӯндэлвэ Тонӈорогор тӯты̄нэ, Оӈкучак дӯндэлвэ Омчорогор оймбно Дю̄р амаргйн борбуйдӯн Коӈнорйн тукала корōлӣкāн бододёрон, Дю̄р нёгӯн дюлэдӯн Багдарӣн талӈщкса тыпудяран. Де таргачйн орон Ēкун горовōн-мол горонден * —