Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Ӣлтэнды̄ туксугучин элэс-ню̄н некэрэн, Суптырй туксугучйн умнэ̄кэмэ сэ̄мдэн. Де тар амардукин Чāгӯ бэе дōдӯвй һэгдыӈэт 1810 Сōһйна эмэ̄нмурэн. Де эр мит бэеӈит Иркимэктэ иркин бэю̄н авдӯвӣ Де аят илбэ̄рэн ивит. Иркин бэю̄н авдӯ бараксан Аянмӣ аят һāвдяракин һэргӯ бого бунӣ бōм Бугалāн һэргӣ тыккӣчитын Оһокилкэ̄н-сэ̄ксэлкэ̄н мурин Кавкавāн һуктэты̄ксэ̄, 1820 һэргискй гарадāвчāгачйн Сэлэмэ āртык амӈан уркэлэ̄н Умутōгно иһиксā, Иркимэктэ иркин бэю̄н авдӯн, Доӈото дӯндэвэ һэнӈэрвй Дулмāктӯн товулу тӯксэ̄, Дыгин һалганмӣ дыгин муһэ̄т тӯксэ̄, Дю̄р сēнмй дюлэ̄скй-амаскӣ Олбу-солбу сэрбэлӣрэн, Дю̄р сēлӯндулӣвӣ пйс-пӣс пйскэнэрэн. 1830 Тар амардукин Бэеды̄т тӯрэ̄рбулдэн, Авдӯды̄т эӈтырӯлдэн, Эвэды̄т икэ̄лдэн: « Э̄ӈтэвлэ̄нин-эӈтэвлэ̄нин! Э̄р-кэ ичэкэл, иччирэ̄нми Иркин бэю̄н авдӯлкāн Иркинӣчэ̄н гунмурӣ эвэнкӣ, Бэе бимӣ бӣ тӯрэ̄нмэв Сёндӯвй силдыкал, 1840 Иргэлэ̄вӣ иктэвкэл, Дōдӯвӣ дōлдыкал! Эр бугат аӣ эвэнкӣн авдӯн Э̄һӣн гиркура эрӯ уилкāн, Э̄рӯ бнӣлкāн буган ōдан. Де мит дю̄р мэ̄нты Дю̄р муһэ̄т гиркурйлāвар истап. Минэвэ энэлдэн гуннэ экэл тыкӯлда. Гиркурй аӣлкāн Анал бугава манам. 1850 Инэӈӣ аӣ бэен Дяпкун ӣлкэ̄н эгдэ̄н энин Буган эрит этэрэн.