Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Гиркӯндянды гунэксун, Дулин аӣ аһāткāнмāн 1760 һэргӯ огēӈā омолгин Дыгин кирйлкāн Сэлэмэ Девиндэ̄р гунмурӣ, Деӈкирмэ депнэ̄де Илэ мэ̄нин умундӯ балдынан Нэкун гунды̄ нэкунин Алтама таратāйка сēргалкāн, Антага урэды̄н Сирӯ огус укчакилкāн Дыгин кирӣлкāн 1770 Сэлэмэ Дыгия̄ндя̄ гунмурй һэргӯ буга авāһилдукин Аминдагӯматын мэ̄нин мэ̄ндивӣ һунāтпа эксэчэ̄ гундерэ. Тарā биһэлддэ бй акин гунды̄ акинми, Тала эвуксэ̄, тар аһāткāнма Ōн ичэрйвэтын сипкитна бидерэн. Эр-ты эһит һэгдыӈэ куһйн Суксалдымāчин содōмун Ōдāвй бидерэн. 1780 Тар он-мал ōдалāн Бугалāвӣ мучāндярӣ мāтā ōдам. Э̄р-кэ сӣ иркимэктэ иркин Бэю̄н авдӯс ēдӯ сōтаран! Эрйксэ̄нин ēдӯ эӈэһӣтэрэн! Илиһиниксā, гэ̄лнэ̄рӣ гэрбйвӣ улгӯркэл, Сōлтама сураккй сāвкāкал! Дю̄р аӣ мāтāлин, Мэ̄рты сāлдыксāл, hapiy буга сōниӈилдулāн тыкчиӈэ̄т, 1790 Огēӈāл эӈэһӣлтын элэвэтын ичэдиӈэ̄т, ӯлыр-ӯлыр ӯлырōй!» — Гуниттэн чāгӯ бэе. Мит бэеӈит Бэе тӯрэ̄ттэн гуннэ Ичэһимэ̄рэ-кэт эчэ; Авдӯ эӈтэрэн гуннэ Этэ̄һимэ̄рэ-кэт эчэ. Ичэһиннэн ēһан эчэ-кэт һурумда, Тӯнэн алганин эчэ-кэт тāнмура, 1800 Аява дōлдым гуннэ Инемдэ̄лдэ-кэт эчэ, Уһава улгучэ̄нинды гуннэ Болгонōлдо-дō эчэ. Иркин бэю̄н авдӯвӣ Аһакāнди нёгӯвāн тāниһинчаран-дā