Эвенкийские героические сказания: Храбрый Содани-богатырь. Всесильный богатырь Дэвэлчэн в расшитой-разукрашенной одежде. - 1990. [Т. 1.]

Иркинйчэ̄н гунмурй мāтā биһэлддэ Де ӈэнэ̄вӣ аят ӈӯӈнэ̄нэн. Иркимэктэ иркин бэю̄н Авдӯ бараксан ōвнан ōнӣн, Де аят дёкиксā, Ирэндэн эвэкэ̄ннэн мэ̄ндӯн Дурукин элэкмэ кēпилкэ̄н ōксā, Чимчэ̄рин лас-лас һэкинтӯрйн 1670 Баргӯ-миткӯ урэлдулэ̄ гугинтадямаран. Умун-тэгин урӯкāрин Дюлэ̄скй-дэ̄, амаскй-дā урэ̄тнэл улгунмāтчара. Дю̄р такилддӯн биһэлддэ Доӈото тукаладук тэвинды̄н эрчилддӯн Коӈнорйн тукала корōлӣкāн бододёрон, Дю̄р нёгӯн дюлэдӯн Багдарйн таллнакса һуюдюрун. Э̄р бэеткэ̄н ӈэнэ̄вэ̄н Олдōнӈйдин ичэтчэ̄л мāтāл: 1680 «О ! Тавар ēкун сōниӈ Сōгӣн сурурун!» — гуннэл Сōт тарā сōһӣнал Эмэ̄нмучэ̄тын уһу. Де эр бэеӈку бэе биһэмдэ Горово-дō сурунувй эчэ сāра, Дагава-дā сурунувй эчэ сāра. Нуӈан умун тэвиннэн һалганин, Умун ичэһиннэн ēһан. Э̄р горолб ӈэнэксэ̄, 1690 Дэрим гуннэ ӣдӯ-дэ̄ Э̄һин дэримкӯрэ. Орон-дō орон, бэе-дэ̄ бэе — Авгӯтын-дā тэрэ̄ӈил, Суму бигин, дялан бигин. Де дулин энин бугава манаксā, һэргӯ ургэ бого уилкāн, Э̄рӯ ургэ унӈӯлкэ̄н һэргӯ бунӣ бугавāн Иһилтак ӈэнэвкэ̄ндерэкин 1700 Дюлгӣлӣн биһэлддэ Едук-дā сō эӈэһи Эдын-дэ̄ һигин һэгдыӈэн Нуӈанмāн дэ̄птыкй дэгнэ, Ты̄снэ * нāлдылчā ивит. Э̄р бэеткэ̄н биһэмдэ Тарā тар энэ гуннэ Ичэһиннэвй ēһавй һурумумкāра энэ, Тэвиннэвӣ һалгандивй чугуймара эчэ. Де сō нуӈандукин