Новицкий Г., Краткое описание о народе остяцком-1941

птиц водных: лебедей, гусей и всякого рода птиц, иже вод­ ному обычны плаванию: мняху же яко за легкость свою сий летая невидимо по местьцах веселия исполненных и видения приятных вся покараше под область свою птици. В кумирници седалище его бе от различных сукон, холста, кожей, соплетено в подобие гнезда, на нем же сия вселшая- ся прочвара сидяще, почытание бе того немало всегда, а наипаче во время егда ловление птиц водных начынашеся, зане и места зде к ловлению их зело угодно и множество безмерно различных родов птиц. Славим же бе толико сей идол, яко от далечайшых селений прыхождаху скверная своя совершающе жертвы, едыным обычаем скотов, а наи­ паче лошадей приношаху, имеяше твердое о сем мнение, яко сей есть скорейшый многих благ датель, а наипаче изо­ билие подаеть получать птиц водных. В сем подаянии на­ род прелестию сатаны ослеплен, и наипаче являющий себе вместо жрецов лжесловием своим во всей Остяцкой стране прославиша сего толико, яко многия невежды вероваху чу­ десная некая п р и й м а т ь благополучия, и многия тщетною на- жеждою прелщенны обезумишася: скота, его же всегда (может)1 без трудов употребляти в препитание свое, пожреть сего бесу сему, сам же чаянием благ надежден летаемыя по воздуху трудом снискать птицы, яже иногда чающе полу- чити в руце, очесы и мыслию летаемыя по воздуху провож- дает, вещию же обретается гладей и скуден, но обаче воз­ любивший злобу паче благостини, неправду неже глаголати правду прославляху его. 10. Первоначальный же и паче всих настоящий кумир зде бо заедино з Гусем бысть во единой кумирни в Бело­ горских юртах. Сего и Кондииским прежде воспомянухом, по сему что народ сей зело по своему зловерию ко оному имеюще усердие; ныне во время сие егда искоренящеся идолобесие, сохраниша сего истукана и унесоша в Конду, откуду же и Кондийским нарекоша. Там же Вагулитам, еди­ номысленным зловерия своего союзником, в соблюдение даша, сего ради и не получыхом видети и известно описать о бесстудном изображении его и доселе тамо пребываеть, соблюдаем, донележе всесилною десницею сий достигше сокрушить и потребить.