Сибирские Огни № 004 - 1991

Приступим свещеноснии, исходящу Христу из гро­ ба яко жениху, и спразднуим любойразднственными, чинами Пасху Божию спасительную. Яко святися и прославися пречистое и великоле- пое имя Твое, Отца, и Сына, и Святаго Духа, ныне и присно, и во веки веков. Снизшел ecu в преисподняя земли и сокрушил ecu вереи вечныя, содержащыя связанный Христе, и три- дневен яко от кита Иона, воскресл ecu от гроба. Сохранив цела знамения Христе, воскресл ecu от гроба, ключи Девы не вредивый в Рождестве Твоем, и отверзл ecu нам райския двери. Спасе мой, живое же и нежертвенное заколение, яко Бог сам себе волею привед Отцу, совоскресил ecu всероднаго Адама, воскрес от гроба. Ты бо ecu Царь Мира, и Спас душ наших, и Тебе славу возсылаем, Отцу, и Сыну, и Святому Духу, ны­ не и присно, и во веки веков. Аще и во гроб снизшел ecu безсмертне, но адову разрушил ecu силу, и воскресл ecu яко победитель Христе Боже, женам мироносицам вещавый: радуй- теся, и Твоим апостолом мир даруяй, падшим подаяй воскресение. Еже прежде солнца солнце зашедшее иногда во гроб, предвариша ко утру, ищущыя яко дне мироно­ сицы девы, и друга ко друзей вопияху: О другини! Приидите, вонями помажем тело живоносное и погре- беное, плоть воскресившаго падшаго Адама, лежа­ щую во гробе. Идем, потщимся якоже волсви, и по­ клонимся, и принесем мира яко дары, не в пеленах, но в плащанице обвитому, и планам, и возопиим: О Владыко, востани, падшым подаяй воскресение. Отроки от пещи избавивый, быв человек, страждет яко смертен, и страстию смертное в нетления облачит благолепие, един благословен Отцев Бог, и препро­ славлен. Сей нареченный и святый день, един суббот Царь и Господь, праздников праздник, и торжество есть торжеств: вонъже благословим Христа во веки. Величит душа моя воскресшего тридневно от гро­ ба, Христа Жизнодавца.