Сибирские Огни № 002 - 1991

От Девы Тя воплощенна, Христе, радуяся, подъят священный Си­ меон ,— ныне отпущаеши ,— вопия ,— раба Твоего, Владыко. Анна же непорочная, пророчица и славная, ныне исповедание и пение приносит Тебе. Мы же, Жизнодавче, вопием Ти: слава тако благово­ лившему. Сокровище вечное Жизни всяческих, мене ради под законом младенствовавый, древле начертавый на скрижалех закон на горе Синайстей, да вся измениши от законныя древния работы, слава бла- гоутробию Твоему, Спасе, слава сошествию Твоему, слава смотрению Твоему, Едине Человеколюбче. Предпразднственную хвалу Владыце Церковь днесь привношает, и Сего, яко Жениха, прияти светло готовится, и с Симеоном радуется; чини Ангелъстии ужасошася, зряще на руках старческих со Отцем и Духом хвалимого, яко Сына и Бога нашего. Ты, Господи, мой Свет, в мир пришел ecu, Свет Святый, обра- щаяй из мрачна неведения верою воспевающия Тя. Тя, Господи, плотию церковь хотящи прияти, Божественною Твоею и неизреченною Божества зарею славно просвещашеся. Тя, Господи, руками душевными сподоби прияти хвалящия Твое смотрение, и нас, верою поющих Тя, приими, яко Человеко­ любец. Тя, Господи, радостною душею приемлющия, плотию нас ради хотяща приити, сподоби с Симеоном благодарити Тя. Неизреченно быстъ зачатие Твое, и Рождество несказанно: пре­ была бо ecu Чистая Приснодева. Со Отцем Слово Сый невидимо, ныне убо видим есть плотию: неизреченно от Девы родися и на руку старчу дается святителю. По­ клонимся Тому истинному Богу нашему. Тя, неискусобрачную Матерь Бога Вышняго, Тя, паче ума рож- дшую словом воистинну Бога, вышшую Пречистых сил, немолчны­ ми славословлении величаем. Отроча принесши Всенепорочная Отроковица во святилище со- вершити яже по закону, и Сие на руки яко прият Симеон праведный, противу изрече Девице: Сей лежит на падение и на востание многим и во знамение в мире. Двери Небесныя, отверзитеся, Христос бо в церковь яко Младе­ нец Материю Девою Богу и Отцу приносится. «МИНЕЯ». Февраль, 1-й день. МЕСЯЦА ФЕВРАЛЯ ВО 2-й ДЕНЬ Сретение Господа Бога и Спаса нашего Иисуса Христа Ныне да отверзется дверь Небесная, Иже от Отца без Семене рождься Бог Слово, родися от Девы, плоть прием человечу волею, обновити естество, яко Благ, и посадити одесную Отца. Днесь священная Мати и святилища вышши во святилище прииде, явлъшая миру Законодавца и закона Творца. Егоже на руки 166