Сибирские Огни № 001 - 1991

Господи Иисусе Христе,/ Единородный Сыне, Сый в недре Отчи,/ истинный Боже, Источниче Жизни и безсмертия,/ Свете от Света/, пришедый в мир, еже просветити его,/ озари нашу мысль Святым Твоим Духом/ и приими нас, вели­ чество и благодарение Тебе приносящих/ о яже от века дивных Твоих велико- действиих/и еже в последний веки спасительном Твоем смотрении,/ в немже в наше немощное и нищее одеявся смешение/ и работным мерам снизшедый,/ Иже всех Царю,/ еще и рабскою рукою во Иордане креститися претерпел еси,/ да, водное естество освятив, Безгрешне,/ путесотвориши нам еже водою и Духом паки рождение/ и к первому нас устроиши свобождению./ Егоже Божест- веннаго таинства воспоминание празднующе,/ молимся Тебе, Владыко Челове­ колюбие,/ воскропи и на ны, недостойный рабы Твоя,/ по Божественному Тво­ ему обещанию воду чисту,/ Твоего благоутробия дар,/ во еже над водою сею прошению нас, грешных,/ благоприятну быти Твоею благостию и благослове­ нию Твоему ей,/ нам же и всем верным людем Твоим дароватися/ в славу Свя- таго и покланяемаго Твоего Имене./ Яко подобает Тебе всякая слава, честь и поклонение/ со Безначальным Твоим Отцем/ и Пресвятым, и Благим, и Живо­ творящим Твоим Духом,/ ныне, и присно, и во веки веков. Аминь. Во Иордане крещающуся Тебе, Господи,/ Тройческое явися поклонение:/ Родителей бо глас свидетельствовавше Тебе,/ возлюбленнаго Тя Сына именуя,/ и Дух в виде голубине/ извествоваше словесе утверждение./ Явлейся Христе Боже/ и мир просвещей, слава Тебе. Одеваяйся светом, яко ризою,/ нас ради по нам быти сподобился есть,/ во струи одевается днесь Иорданския,/ не Сам сих ко очищению требуя,/ но нам Собою устрояяй порождение./ О, чудесе!/ без огня изваряет,/ и назидает без сокрушения,/ и спасает в Него просвещаемый/ Христос Бог и Спас душ наших. Тебе, в Дусе и огни очищающа грех мира,/ зря Креститель грядуща к себе,/ ужасайся и трепеща, вопияше, глаголя:/ не смею держати верх Твой пречи­ стый,/ Ты мя освяти, Владыко,/ Божественным явлением Твоим,/ Едине Чело­ веколюбие. Приидите, подражаим мудрыя девы,/ приидите, срящим явлынагося Влады­ ку,/ яко прииде, яко Жених, ко Иоанну./ Иордан, видев Тя, убояся и пожда./ Иоанн вопияше:/ не смею держати верха Безсмертнаго./ Дух низхождаше в виде голубине освятити воды,/ и глас с Небесе:/ Сей есть Сын Мой,/ пришедый в мир спасти род человеческий,/ Господи, слава Тебе. Крещается Христос и восходит от воды,/ совозводит бо с Собою мир/ и зрит разводящаяся Небеса,/ яже Адам затвори себе и сущим с ним,/ и Дух свиде­ тельствует Божество,/ Подобному бо предтичет и глас от Небесе:/ оттуду бо сви­ детельствуемый, Спас душ наших. Трепеташе рука Крестителева,/ егда пречистому Твоему верху коснуся;/ возвратися Иордан река вспять,/ не дерзая служити Тебе./ Яже бо устыдеся Иисуса Навина,/ како Творца своего устрашитися не имяше?/ Но все исполнил еси смотрение, Спасе наш,/ да спасеши мир явлением Твоим,/ Едине Человеко­ любие. Днесь тварь просвещается,/ днесь всяческая веселятся,/ Небесная вкупе и земная,/ Ангели и человецы смешаются,/ идеже бо Царево пришествие, и чин приходит./ Тедем убо на Иордан/ и видим вси Иоанна:/ како крещает Верх Нерукотворенный и Безгрешный? Темже, апостольский глас припевающе, со­ гласно возопием:/ явися благодать Божия спасительная всем человеком,/ озаря- ющи и подающи верным велию милость. Явился еси днесь вселенней,/ и свет Твой, Господи, знаменася на нас,/ в ра­ зуме поющих Тя:/ пришел еси и явился еси,/ Свет Неприступный.