Кузьмина Е. Н., Указатель типических мест героического эпоса народов Сибири (алтайцев, бурят, тувинцев, хакасов, шорцев, якутов), 2005

Тогзон эки кыл уйазы Торсугынаҥ öдÿп öскöн, Jетен айры чаҥкы jалы 130 Тизе кöзин öдÿп öскöн. Атанатан ол jанында Ай таҥмалу ат тар болтыр, Камчы согор бу jанында Кÿн таҥмалу быйан эмтир. 135 Тöрт туйгагы бу такалу, Тöбö-бели бу jаркынду, Алтын тÿги мызылаган ат эрjине. Эки тÿҥей кайчы кулак Теҥеридиҥ агы-кöгин 140 Элип-селип бу ла турар. Эки ле тÿҥей кара кöзи Кары к туткан ай кеберлÿ, Айланыжып ол дор турар. Jÿгÿриктиҥ маҥын туткан, 145 Jÿгÿрик сööктÿ бу эрjине Чагырада киштей берген, Тадырада силкине берген, Темир терек ол тöзинде Тебеелеген турбай кайтты. (Маадай-Кара, стк. 118—149) Алт. II.Б.26.4 Кöбöҥ jалду кöк-бородыҥ ай кулагы Теҥеридиҥ агы-кöгин Ары-бери солуп турды, Ала кöзи jети тайга 2760 Бу ажузын чиҥдеп турды. Сол дор кöзин бу кöргöзин, Чолмон туткан кÿн кеберлÿ бу болуптыр, Оҥ дор кöзин бу кöргöзин, Карык туткан ай кеберлÿ эмди болтыр. 2765 ÿзÿм болот бу туйгагы Изÿ оттоҥ jалтанбаадый быйан болтыр. ÿле-коногы келбегенче, öттиретен аргазы jок баатыр эмтир. (Маадай-Кара, стк. 2756—2768) Алт. ІІ.Б.26.5 3175 Азулудаҥ кöбöҥ jалду кöк тöр боро Алын колы казалаган, Кийин буды бийелеген, Кöк öлöҥди кöмö баспас, Jапшан öлöҥ jара баспас, 3180 Алтын тÿги мызылаган, Ай таҥмазы jалтыраган, Эки тÿҥей кайчы кулак