Кузьмина Е. Н., Указатель типических мест героического эпоса народов Сибири (алтайцев, бурят, тувинцев, хакасов, шорцев, якутов), 2005

1440 ...Өйдөөн-бүдуүлээн көрөн турбута, — Икки өттүгүттэн таҥнары үүнэн түспүт, Салаҥ киһи баллардаан оҥорбут Соҕоох мастарын туруорута аспыт курдук, Икки бадьыр хара атахтаах эбит; Ол үөһээ өттун өрө көрөн таһаардахха, Икки эмиийин кэрэтиттэн Уһулута үүнэн тахсыбыт Икки куорай далаан ытыстаах Кулан дьэллик илиилэрдээх эбит; 1450 Ол үөһэ өттүн өрө көрөн таһаардахха, Сыыр быстыбытын курдук Сылластыгас сымыһахтаах, Аппа-дьаппа курдук Амаан-ньамаан айахтаах; Айаҕын иһин аһара баттаан көрдөххө, Алта-сэттэ таҥнары баҕыырдаах Абына-табына тиистэрэ Ардьаҥнаһан көстөллөр, Олор анараа өттүлэригэр 1460 Былас ордуга түөс аҥаара Күөх чалахай тыла Көбүөхтээн көстөр; Олор үөһээ өттүлэригэр — Уот сиэбит уккунньаҕын Умсары бырахпыт курдук, Хара чалахайа саккыраабыт, Харыалаах таныыта тартаннаабыт Хара балахай муруннаах эбит, Ол үөһээ өттүгэр — 1470 Икки чэчэгэйиттэн үөскээбит Дьэбиннээх дьэс алтан харахтарын Хайа хайдыбытын курдук Хаһылыччы көрбүт эбит, Ол үөһээ өттүгэр Үс-түөрт чүүччү курдук кыламаннара Таҥнары үүнэн түспүттэр, Дьааҥы болбуктатын Таҥнарыта тамнааттаабыт курдук Абына-табына баттахтара 1480 Тимир ииччигэн курдук Төттөрүтэ эриллэн үүммүттэр эбит. Үс илии түүнүктээх сүүстээх, Сэттэ и л и и к и р д э э х СЭҤИЙЭЛЭЭХ, Алта илии ардахтаах ньуурдаах, Саллар сааһыгар Удьаа уунан улаан ньуурун Оҥунуохтаан көрбөтөх, Кирээстээх сирэйин Сил саҕа ниччэҕэйинэн 1490 Илитинэн көрбөтөх Улуу күтүр Утары көрөн турар эбит.