Кузьмина Е. Н., Указатель типических мест героического эпоса народов Сибири (алтайцев, бурят, тувинцев, хакасов, шорцев, якутов), 2005

Бу ыллаан бутэрин кытта, Кырках сыстыбатах Кыыда маҥан халлааҥҥа үөскээбит Кыыс Дэбилийэ Бухатыыр Өлүү Өтүмэхтэй оҕонньор аҕалаах, Тимир Тэмэлэкээн эмээхсин ийэлээх Алып хапсаҕай, Дьиэрбэҥ нэҥэрик Тыҥырахтаах Дыгыйдаан Бөҕөлүүн 3300 Утарыта кынчаатаһан турдулар, Орто дойду уола Улаан Дьаҕыл аттаах Ургунньук Баатыр Тоҕус үйэ тухары Тунах ыһыаҕы туругурпут Чугдаан Бухатыырдыын Утарыта турсан Буордааҕынан боролуччу көрсөн бардылар. Үөһээ дойду уола 3310 Кун Эрили бухатыыр Аан Ахталыйа бухатыырдыын Алтаннааҕынан арылыччы көрсөн Утарыта турустулар. (Кыыс Дэбилийэ, стк. 3291—3313) Як. ІІ.А.14В+3.8 3330 Унньуктаах биилээхтэрин уһулута тардан, Өргөстөөх уһуктаахтарын төлүтэ тыытан, Кыырыктаах кылааннаахтарын сыыйыта тардан, Торҕо биилээхтэрин сулбурута охсон ылаггаан баран, Үс түүннээх күнү мэлдьи, Сүүлүн саҕанааҕы сүҥкэн атыыр оҕус курдук, Түсүһэн бэрсибэккэ, Төгүрүйэ хаамсан көрдьүөттэһэ сырыттылар. Төрдүс күнэ кэлиитигэр, Кыырыктаах үҥүүнэн 3340 Кылана-кылана кырбаһан иһэннэр Кылааннарын сынтарытан Кыыратылаан кэбиһээт, Унньуктаах биилээҕинэн Уордайа-уордайа охсуһан иһэннэр, Тоһута дайбааннар Туорута илгэн кэбиһээт, Өргөстөөх уһуктааҕынан Үөгүлэһэ-үөгүлэһэ үөлсүһэн иһэннэр, Үнтү кумалааннар 3350 Үрүө-тараа ыһан кэбиһээт, — Кыланса түстүлэр да, Кыһыл илиилэринэн кырбаһан бардылар, Эккирэһэ түстүлэр да, Эт сутуруктарынан эттэһэн киирэн истилэр.