Кузьмина Е. Н., Указатель типических мест героического эпоса народов Сибири (алтайцев, бурят, тувинцев, хакасов, шорцев, якутов), 2005

7570 Үөгүлэһэ-үөгүлэһэ Өттүктэһэн илдьэ бардылар. Як. ІІ.А.14в+з.5 Кыыһырбыт киһи быһыытынан Туох да тыл этиппэккэ 9270 Айыы киһини тимир сүллүгэһинэн Мииннэрбитинэн илдьэ барда. Биһиги киһибит, Абааһы охсубутун гэннэ, Көрөн туруох киһи буолбатах; Хапыытыы түстэ да абааһыны Хардары дайбаабытынан барда. Чабырҕайдарын дайбаһаннар, Дьулайдарын тоҥсуһаннар, Туох ааттаах туттар сэптэрин 9280 Үс күҥҥэ тиэрпэккэ Илдьи сынньыһан кэбистилэр. Айыы киһи сабырҕахтары бүүрүктэри Түүрэ харбаата; Абааһы киһи самаҕын туорайыттан Куду харбаата айыы киһини. Үөгүлэһэ-үөгулэһэ өттүктэһэн бардылар, Хаһыытаһа-хаһыытаһа халбарытыһан бардылар. (Кулун Куллустуур, стк. 9268—9287) Як. ІІ.А.14в+ж.6 Бу гынан баран, Бокуойа суох ойон тиийэн уолаттары Кулгаах таастарын охсон, Кууһуннаран киирэн барда; Уолаттар тута сылдьар тутуурдарын 1360 Туорута илгэн кэбистилэр да, Икки өттүгэр кэлэн Эрэгэпчи талах курдук Иилистэ түстүлэр, Этиһии диэн эҥинэ онно элбээтэ, Көбүөлэһии диэн көмөлгөнө онно көбдьүөрдэ, Охсуһуу диэн улахана онно буолла; Оройдорун ойбонностулар, Чэчэгэйдэрин тэһистилэр; Кыһылларын көрдөхтөрүн ахсын, 1370 Кыдьыгыра-кыдьыгыра кырбаһан истилэр, Эттэрин көрдөхтөрүн ахсын, Илбиһирэ-илбиһирэ эттэһэн истилэр, Хааннарын көрдөхтөрүн ахсын, Хабырына-хабырына хайыта дайбаһан бардылар...