Кузьмина Е. Н., Указатель типических мест героического эпоса народов Сибири (алтайцев, бурят, тувинцев, хакасов, шорцев, якутов), 2005

Утарыта хаамсан кэллилэр, Тылларынан ыһаарсымахтаатылар, 7520 Хохучуол төрдө Кокуоска буолбут эбит — Кокуосканан компуустастылар да Тоҕус уон пууттаах тимир Чомпо суллугэстэринэн Дьулайдарын оройугар Түһэрсибитинэн илдьэ бардылар. Үс тоҥ күөс быстыҥар Тиэрпэккэ сэптэрин, Эстэрии чокуур курдук 7530 Эмтэритэ сынньыһан-сынньыһан бараннар, Кэннилэригэр эһитэлээн кэбистилэр. Эһэ үллүгүн саҕа хара дьайдаах Саабылалаах батыйаларынан, Харах-сирэй диэн дьууллээбэккэ, Хайыта-тырыта сынньыһан Илдьэ бардылар. Үс күөс быстыҥар бу сэптэрин Өрүү диэн тиэрпэтилэр, Эмииһит оҕонньор үрүөх үрэр 7540 Быһаҕын курдук ончохторо хаалбыттарын Киэр эһитэлээн кэбистилэр. Эрдэҕэс күөс саҕа Кутаа уот илбистээх кыырыктаах Уот сырылыы үҥүүлэринэн Хара быардарыгар Анньыспытынан илдьэ бардылар. Утаакы буолумна Кытыйаһыт киһи Иэтин курдук үҥүүлэрэ 7550 Эриллэн хаалбыттарын Киэр эһитэлээн кэбистилэр. Биэс уоннуу пууттаах Мэрилиир тимир Мээчиктэринэн сүүстэригэр бырахсан Илдьэ бардылар да Утаакы гынымна Бу да сэптэрэ тулуйбата: Үлтүрүйэн-үлтүрүйэн Орулуос кус сымыытын курдук буолан 7560 Ытыстарын түгэҕэр Биллибэт буолбуттарын Киэр эситэлээн кэбистилэр. Оол кэнниттэн айыы киһи Абааһыны сабырҕахтары, Бүүрүктэри түурэ харбаата: Абааһы киһи айыы киһини Самаҕын туорайыттан куду харбаата. Хаһыытаһа-хаһыытаһа Халбарытыһан илдьэ бардылар,