Кузьмина Е. Н., Указатель типических мест героического эпоса народов Сибири (алтайцев, бурят, тувинцев, хакасов, шорцев, якутов), 2005

Аҕыстаах байтаһын биэ Аҕыс ойоҕостоох аҥаар холун саҕа Кырыылаах сылбараҥ маҥан булаайахтаах, Кыһыл көмүс кыаһааннаах Кылааннааҕа буолбут, Харытынан охсуллубут хампа бытырыыстаах, Сототунан охсуллубут солко бытырыыстаах, Улуу удаҕан гиэнэ Уһуктааҕа буолбут, 580 Ичээн гиэнэ бэрдэ буолбут Арбаҕастаах гиэнэ атамаана буолбут, Тоҕус былас уйуллаах суһуохтаах астаах, Солко долгун тыыннаах Күн Толомон Ньургустай удаҕан [диэн ] ... (Кулун Куллустуур, стк. 569—584) Як. ІІ.А.106.2 Аҕыстаах байтаһын биэ Аҕыс ойоҕостоох аҥаар холун саҕа 1040 Кырыылаах сылбараҥ маҥан булаайаҕын Уҥуо илиитигэр туппут; Көлүйэ күөл саҕа Түөрбэ маҥан дуҥүрүн Хаҥас илиитигэр туппут; Сототунан охсуллубут солко бытырыыстаах, Харытынан охсуллубут хампа бытырыыстаах, Кыһыл көмүс кыаһааннаах таҥаһын Кыыгыначчы кэтэн турар; Аҕыс салаалаах арыы хатыҥ курдук 1050 Айгырастаах ытарҕалаах, Тоҕус кун холбоспутун курдук Туус маҥан туналҕаннаах ньуура Туналыс гына түстэ. (Кулун Куллустуур, стк. 1038—1053) Як. ІІ.А.Юб.З ...Көлүйэ күөл саҕа Түөлбэ хаан дүҥүрүн Хаҥас ньилбэгэр туора уурбут, Үс сиринэн боҕускалаах Дьаргыл таас былаайаҕын Уна илиитигэр туппут, Ортотунан дьөлөркөй 4180 Куладыйар кулан аарык быарыгын Туора кууспут, Сарбынньах бытырыыс таҥаһын Санныгар саба саптыбыт Удаҕан киһи улуута Уоттаах чолбон курдугунан Тобулу көрөн олорор эбит.