Кузьмина Е. Н., Указатель типических мест героического эпоса народов Сибири (алтайцев, бурят, тувинцев, хакасов, шорцев, якутов), 2005

Онтон буоллаҕына, 1990 Хамаан-имээн дойду Хатыҥа хатыҥнаах, Тумаан-имээн дойду Туоһа туостаах, Кимээн-имээн дойду Киилэ кииллээх, Өлуу Дьирибинэй балыгын Сиһин үөпэ иҥиэрчилээх, Иэнин иҥиирэ киристээх, Көхсүн хаана кырааскалаах 2000 Буруолуур муос буочука саатын таһааран Атыгар ииллэ: Балыксыт ыал балаҕанын таһааран Таҥнарыта тамнааттаабыт курдук, Мае маалтаар, Туора тэппэт буоллун диэн Туос тэллэмээттээх Оноҕосторун ылаттаан, Курдана сылдьар Кунньалыгар угаттаата. 2010 Бу кэнниттэн Таннары туттахха чаекыйан ылар, Өрө туттахха үөгулүу түһэр, Сытыары туттахха сыналыйан барар, Умса туттахха уһуутаан кэбиһэр Таҥара сырдаан эрэрин курдук Талба нарын таманнаах, Кун тахеан эрэрин курдук Төлөннүрэр өргөстөөх уһуктаах, Тыҥ хатыытын курдук 2020 Тымныы тыйыс кылааннаах, Кыыс дьахтар кыламаннаах хааһа Кытыл унуортан Кыырыктаах иэнигэр Кырталдьыйан көстөр, Уолан киһи уостаах тииһэ Тумул уҥуортан Туналыйар урсунугар Турталдьыйан көстөр, Биитигэр илбистээх, 2030 Уһугар оһоллоох, Угун устун уһуор көмүс ойуулаах Уһун субуйа батаһын иилиннэ. Онтон уҥа сэбэргэнэтин хаптаҕайыттан Сэттэ болгуо чээрэтинэн, Аҕыс болгуо атамаанынан, Тоҕус болгуо томороонунан Уһааттаран оҥотторбут Көмүс ууһа көрбүт, Алтан ууһа аалбыт, 2040 Бакалаан Уус балталаабыт, Көкөлөөн Уус күөртээбит,