Кузьмина Е. Н., Указатель типических мест героического эпоса народов Сибири (алтайцев, бурят, тувинцев, хакасов, шорцев, якутов), 2005

Үөскээбит киһи эбит. Манна туран хаҥас диэки өттүнэн Кылбас кынан көрдөххө — Дьоллоох туруйа тохтообут Туналытта толоонун ортотун уу дьулайыгар Бэйэтэ туругуран үөскээбит эбит. Оол улаҕатыгар Өҥөс кынан көрдөххө — Улаҕата биллибэтэх 160 Улаан дьаҕыл үрэх субуллан түспүт; Бу үрэх ортотунан Тоҕус үөстээх Тоҥмот муора сүрүннэнэн киирбит эбит. Оол илин өттүнэн Өҥөс кынан көрдөххө — Талааннаах кыталык кыстаабыт Кылбаарытта кытыла диэн Кытыллаах буолбут. Бу илин өттүнэн 170 Өҥөс кынан көрдөххө — Үс үҥкүү көмүс дьүөдьэй булгунньахтаах эбит. Дойдутун-сирин соҕуруу эҥээрин Туруорута көрөн таһаардахха — Соноҕос атыыр сылгы Дьохсооттоһо турарын курдук Суорба таас хайалардаах эбит. Ол арҕаа өттүнэн Батыпыннара көрөн түһэрдэххэ — Алтан тэриэккэни кэккэлэтэ уурбут курдук 180 Алаан-дьалаан алаастар Аҥаарыттан-кэҥээриттэн туспүттэр. Бу тоҕус үөстээх тоҥмот муоратыгар Тохтуур туруйалаах, Кыстыыр кыталыктаах, Бараатыйар бараахтаах, Дьүөрэлэһэр чөкчөҥөлөөх, Көппөт көҕөннөөх, Тэлэһийбэт дьиэрэҥнээх, Быстыбат былдьырыыттаах, 190 Аралдьыйбат андылаах, Өрөөбөт өтөннөөх, Кэрээбэт кэҕэлээх, Кэлэн кэхтэр киһилээх, Үөскээн өлөр сүөһүлээх, Охтон баранар мастаах, Уолан баранар уулаах, Күннэтэ күөрэйэр Күндү маҥан күннээх, Сарсынната сандаҕырар 200 Сапарҕалаах ыйдаах, Орто дьүрүс дойду Ньүкэн ыырайа эбит.