Кузьмина Е. Н., Указатель типических мест героического эпоса народов Сибири (алтайцев, бурят, тувинцев, хакасов, шорцев, якутов), 2005

Кыталык кыыл Кырыйа көтөн, Кытыытын булбакка, Кыҥкыначчы ытаабыт Кылбаарыйар кырдаллаах, Улаҕата көстүбэт 130 Уһун уорҕалаах Унаарытта Эбэ Хотун диэн Ааттаах-суоллаах алаас сир Айыллан үөскээбит эбит. (Кыыс Дэбилийэ, стк. 113—133) Як. 1.1.4 Былыргы дьылым Быстар мындаатын Быдан ынараа өттүгэр, Урукку дьылым Охсуһуулаах уорҕатын Отой аннараа өттүгэр, Ааспыт дьылым Анысханнаах айдааннаах күнүн Адьас анараа таһаатыгар... (Эр Соҕотох, стк. 1—9) Як. 1.1.5 Сир ийэ хотунум Сиэрэй тииҥ тиҥилэҕин саҕаттан Тэнийэн-тэрбэйэн, 30 Үүнэн-үөскээн, Сачарыы табам Кулгааҕын сарыытын, Тиэрэ тарпыт курдук, Сарбайа үүнэн, Сараадыйа улаатан испитэ эбитэ үһү. (Ноо!) Ол курдук Тоҥолохтоотор долгуйбат, Баттыалаатар маталдьыйбат Баараҕай тапааланан 40 Туруу чоҕой хара буорум Туоллан туругуран испит эбит. Туруу чоҕой хара буорум Туруу дьаангынан тулаланан, Араат байҕалынан арҕастанан, Уолбат муоранан улаҕаланан [испит ] , Сэттэ иилээх-саҕалаах, Сэттэ биттэхтээх Сир ийэ-аан дойдум Сити курдук үөскээн испит эбит. (Ноо!) 50 Бу Сир ийэ аан дойдубун