Кузьмина Е. Н., Указатель типических мест героического эпоса народов Сибири (алтайцев, бурят, тувинцев, хакасов, шорцев, якутов), 2005

1.1. ВРЕМЯ ПЕРВОТВОРЕНИЯ Як. 1.1.1 Былыргы дьыл быдан мындаатыгар, Урукку дьыл кулан уорҕатыгар... (Кулун Куллустуур, стк. 1—2) Як. 1.1.2 Былыргы дьыл Былдьаһыктааҕын-быһылааннааҕын Быдан анараа өттугэр, Урукку кун Охсуһуулааҕын-оһоллооҕун Улаҕа өттүгэр, Ааспыт дьыл Алдьархайдааҕын-арасхааттааҕын Анараа таһаатыгар 10 Саха киһи Санаата тиийэн Сабаҕалаан көрбөтөх Сарыал маҥан халлаана диэн, Сарыы таҥалай курдук, Таҥнары тардыллан, Тараадыйан-тарҕанан, Айыллыбыт эбит; Үуттээх-үүчээн этгээх Үс биис ууһа, 20 Үс өргөстөөҕунэн Өрө көрөн туран, Өйдөөн-дьүүллээн көрбутүн да иһин, Түөрт эркинин будүүлээбэтэх, Түгэҕин төрдүн билбэтэх Дьулусханнаах добун маҥан халлаана диэн, Тоҥус киһи туут хайыһарын курдук, Таҥнары иэҕиллэн түһэн, Дуйданан долгуйан үөскээбит эбит. Бу айыллыбыт 30 Арылы халлаан алын өттүгэр Куордаах эттээх, Куодаһыннаах уҥуохтаах, Опол-охсуһуу доҕордоох, Иирээн-илбис эҥээрдээх, Ириҥэ мэйиилээх, Ипэгэй куттаах, Икки атахтаах үөскээн тэнийдин диэн, Анысханнаах арҕаа халлааннаах, Иэйиэхситтээх илин халлааннаах, 40 Соллоҥноох соҕуруу халлааннаах, Холоруктаах хоту халлааннаах, Үллэр муора үрүттээх, Түллэр муора түгэхтээх,