Кузьмина Е. Н., Указатель типических мест героического эпоса народов Сибири (алтайцев, бурят, тувинцев, хакасов, шорцев, якутов), 2005

3560 Чирліг кізі полдар? Хайдаг ла чахсы сугда Суглыг пол пардар? Ада-ічецер кем полган? Ады-солацар ноо полӌаң? Аран-чула аттыц Тирін алып, ат тиргізі тартып, Хайзы чирдең хайдар Парчатхан алыпсар?» Чибетей алып кізі 3570 Чоохтап одырыбысхан: «Адам аарлыг чирі Агылдац ырах халтыр, Ічем сіліг чурты Истец ырах халган. Чир хырыгы чирде Чир пӧзігі Ах сын, Аргалыг Ах сын алтында Адам чирі полар, Тигір тӧзі чирде 3580 Суг чалбагы Ах талай, Ах талай сугныц хазында Іӌем чурты полар. Тогыс хулас суны Хара хула аттыг Пӧгімі чох алып Хулатай Абай харындас абаам пар. Чаян чахсы хулуны Чібек чилінніг Ах сабдар аттыг Ах Хая істінде тӧреен 3590 Алтын Арыг пиӌем пар. Тогыс хулас суны Хара кӱрец аттыг Алып ханныц палазы Алып Чибетей ады-солам». (Алтын Арыг, стк. 3557—3594) Хак. ІІ.А.8а.10 4270 «Хайдаг чирде чирлігзер? — тіп, Хыс Хан сураглап одыр. — Ада-ічецер кем полган? Ады-солацар ноо полчац?» Одырганнац алып кізі Анда чоохтабысхан: «Адам чахсы чирі Агылдац ырах халган, Іӌем чирі-суу Истец ырах чат халган, 4280 Сыннац чабызах Ханым сын Алты чирде полар, Талайдац кічіг Ханым талай Хазы чирде чурттыгбын, Хадарган малныц ээзі,