Хакасский героический эпос: Ай-Хуучин. - 1997. (Т. 16.)

Аттаң тӱспесче поларзың. Анаң айлан килзең ибге, 700 Алар кiзiң чоохтап пирербiн“. Хан Мирген аны искенце парба*, Тимiн тимненiбiскен, Ибiрлiп, ир чахсызы Тимнiг хуйағын кискен, Айланып, сых килед i р. Хараағы тӱн пол парыбысхан, Тоғыс хулас суны Хан позырах атха килген. Изерi чох полған ат чахсы — 710 Изерлел парған турчададыр, Адар-сабары Алын-киз i н хаста полған. Аран чула ат чахсаға Анда алтаныбысхан, Пура тартып, ир кӱлӱгi Палбыда пастыртып асхан, Улуғ аалны арали Улус-чонын тобырған, Сын пöзiгi Ханым сынға 720 Сығара пастыр киледiр. Арғалығ сынның ӱстӱнде Адын тохтада тартыбысхан, Аархы сарин ир чахсызы Анда харап турадыр: Ах öлеңнiг чазызында Асхырлығ малы чоғыл, Олғаннарнаң ойнап чöргенде, Ханым сынға сыххан, Улуғ полған чазызында 730 Урғап öскен мал полған. Таңнап, чапсып, ир чахсы Кöр таппин турадыр. Iди турчатханда Хан Мирген, Хайда-хайда чылғы кiстезiб i скен Харап кöрiп турза, Кӱннiг чир парыбысхан, Улуғ асхырлары к i стез i п, Хулун, чабаға наңырас турадыр. Хан позырах атты пура тартып, 740 Ханым сыннаң инген, Чалбах чазаа сабыл килiп, Чорыхха тӱс киледiр.