Хакасский героический эпос: Ай-Хуучин. - 1997. (Т. 16.)

Чағынхаа сабыххан Хан позырах ат Паза Ах ой ат, Чағынхылар кöре хорыххан Хан Миргеннi iкi оолғымынаң. Ыраххылар, Ай Хуучынны 8030 “Пiстi чаалабыспазын“ , — тiп, Улам ыраххы чирге Кöчiп, чуртағлабысхан, Чағынхы чуртаан алып-кӱлӱктерi, Чазынар чирi чох полып, “Пуларға чағын чуртаза, Кöрiнместер пазынмастар“ , — тiп, Улам на чағын хыриларына Кöчiп, чуртағлабысханнар. Аран чула аттың хыринда 8040 Ах хоор ат таа аран чула полған, Алты хулас суны Чiбек чилiннiг Ах сабдар ат таа. Улуғ алыптар хыринда Улуғ алыпха саналғаннар Изебi чох Алтын I ргекнең Арығ сiлiг Алтын Арығ. Узун хузуруғын сöйбеңнедiп, Улуғ аң малға салынмаан, Ураа ағачын тудынып, 8050 Улуғ алып чаалап килбеен. Тоозылбастағ астығ полып, Тӱнӱгi пöзiк иб тудынғаннар, Тӱгенместег кӱстiг полып, Туған-чағын пiлiп чуртааннар. Аарлығ торғы киптерiн кизiп, Арығ сiлiг чурт тудып, Ырахха-чахсаа истiлiп, Чағынғы чахс ы ларға саабығып, Анда чуртап, чирлеп халғаннар.