Хакасский героический эпос: Ай-Хуучин. - 1997. (Т. 16.)

7980 Хада тöреен харындас осхас, Хада-пiрге чöрiп, Ӱгрен тее парғаннар, Аран чула атт а рына Алтанып чöр сыхханнар. Аал тобырып, iкi чахсы Арғалығ сынға сыхханнар, Чир пöзiгi Ханым сында Чарылызыбысхан iкi алып. Кӱн Ханның палазы 7990 Кӱн Тöңiс Хан чоохтаан: “Чабал хабар минде полза, Чатпасча поларзың, ирк е м, Мында хомай хабар полза, Мин, чатпин, килербiн“. Чöптескен соонда i кi чахсы, Чöр i бiскен Кӱн Тöңiс Хан, Кӱн кӱнöртiзiн кöре, Кӱн Тöңiс Хан ойлат парған. Чир хырина читкенде, 8000 Чирнiң ӱстӱ ыылап турадыр, Тигiр тöзi чирде Тигiр паары соолап чiткен. Ханым сыннаң ир чахсызы Хан Мирген ин тӱскен, Аал арали ах ибiне читкен. Аннаң андар ир чахсызы Кин чырғап, кин мöтебiскен. Хадарған малн ы ң ээзi Алтын Iргек полған, 8010 Харағы сiлiг чонына Хан-пиг полып чуртабысхан. хiлу Алтын Теек абаазы Аңнап-хустап турадыр, Хан Мирген халын чуртьiнда Хаттарнаң ааллап турадыр. Ай Хууңын, хыс чахсызы, Алтын Арығ туңмазынаң Пiр полып, iкi пиңе Пiр ибде чуртааннар. 8020 Ырахха истiлген Изебi чох Ала хулат, Ыраххылар иссе, хорыххан Изебi чох Ай Хууңынны.