Хакасский героический эпос: Ай-Хуучин. - 1997. (Т. 16.)

Тас атхан чирде чадар, Хыс парған чирде чуртир. Чирi-чуртыңарға, палаларым, Кицее-пайаа даа парчадыңар“. Изебi чох Алтын Теек Тимненiп, сӱмненiбiскен, Арығ сiлiг Чалай Пурухан Хада-пирге тимненген. 7630 Аран чула Ах ой адына Алтын Теек алтанған, Арығ сiлiг хыс кiзi А т таң чазағ чöр сыххан. Арғалығ чонын арали, Аал тобыра парғаннар, Арғазы пöзiк Чарых сынны Аран чула ат ас парған. Чалбах чазаа сабылғанда, Чар полғанын чара чайхаан, 7640 Чазы полған пудына Хамцы тӱзiрiбiскендiр. Чалай Пурухан, хыс кiзi, Чарых табыстығ кööк полған, Хан тигiрнiң паарына Ханат хағын ы п, кöдiрiлген. Олар парыбысхан соонда Хона сыйлас парғаннар. Хан Мирген, ир чахсызы, Пöгiмi чох Кӱн Тöңiс Хан 7650 Чалай Пуруханның тойы-пайында Чуулып турғаннар. Пöгiмi чох Ай Хууцын Пiр дее хати чуулбаан, Улуғ стол кистiнде одырып, Улуғ изiрiп парған, Ырын ырлап, Ай Хууцын Кöгiн кöглеп турадыр. Пiр п i лiп Ай Хууцын, Пiр пiлiнмин турадыр: 7660 “Тар даа полза, чирiм пар, Тайыс таа полза, суум пар. Абаа кiзi Хан Мирген, Айланып, нан кöреелiс“. Изебi чох Хан Мирген, Иркезiнiң ырын истiп, Тура сегiрiп парып,