Хакасский героический эпос: Ай-Хуучин. - 1997. (Т. 16.)

7310 Алты чылны азыра Азынсып полбин парғаннар. Халын иттерi тоозылып, Хатығ сööктерi халыбысхан, Хазыл иттерi тӱгенiп, Хыйғанах сööктерi халған. Тоғыс чылға сығара Толғазып тартысханнар, Тоғыс ч ы лның пазында Пöгiмi чох Чалат Хан 7320 Тайлыхпас чахсы чирiнде Тайлығып пастабысхан, Сӱрнӱкпес чахсы чирiнде Сӱрнӱгiп чöре парған. Ине кööк чiли иклеп турза, Ил парча чонға ӱн истiлген, Пала кööк чiли маххлап турза, Прай чирге ӱнi тараан. Алданмастағ Чалат Хан Ай Хууцынға алданыбысхан: 7330 “Иркем-к и нңе м Ай Хуучын, Ах чарыхтаң азырбаңар! Чабал чатта ползын, Чахсы пiсте ползын! “ Алданғанына айланмаан Арығ сiлiг Ай Хууңын, Чалат Ханның чобаана кöрбеен. Азах хағып, айлан кöдiрген, Алты-читi пулғап парып, Ай Хууңын салыбысхан, 7340 Ас пилiн азыра тепкен, Ас оорхазын сыы пасхан. Арығ сiлiг Чалат Хан Азып, кизiп чат халған. Анаң, айланып, кöр турза, Изебi чох тöрт алып Алып Хусхунға с ы дабинчад ы рлар. Öлбеен позы Ай Хууңын Öзелiп пас киледiр, Ӱзiлбеен тыны Ай Хууңын 7350 Ӱскӱрiп пас килген: “Кöрiнмес айна-чиктер, Кӱннiгдi тыңох пазындар! Кöрiнмес чабал айналар, Кӱннiг чахсаа чурт пилбедер!