Хакасский героический эпос: Ай-Хуучин. - 1997. (Т. 16.)

Харайа тартыбысхан, Ханнаң хызыл сырайы Хубарта тартыл турадыр: “Абай харындас абаа кiз i , Изебi чох Хан Мирген! Халын чахсы чуртты Хатап чаалап кöрееңер“. Изебi чох хыс кiзi 7050 Анда хыйғы пасхан — Чатхан чалбах тастары Чара чачыразып турадыр, Сында турған ағастары Сайбал, тӱс турадыр: “Ит чiп, ирiккен Чалат Хан! Ибiрiлiп, сынға сығыңар! Хан чiп, харыххан Чалат Хан! Хатап айлан сығыңар! “ Аның табызы ӱзiлгелекке 7060 Тағ наңызы чiткелек полған, Чалат Ханның халхазы Ачыл турадыр улуғлаан. Чалат Хан, алып кiзi, Орты кöгiсче сых килiп, Изебi чох Чалат Хан Иреен хабырға пол парған, Арачон ас iзiп, Албығып*, чоохтап турадыр: “Ирсек хурттығ Ай Хууңын 7070 Ит чирге хын тур полбазын! Суғдаң сухсап, Ай Хууңын Суғ киректеп тур полбазын! “ Хаалада хатхырыбысхан — Хатығ айастаң хар тӱзердег, Кӱӱледе кӱлiбiскен — Кӱгӱрттiг тигiр тӱс турғандағ. Хости турып, Алтын Арығ Хостап, хыйғы пазыбысхан: “Хан чiцең хара айналар! 7080 Чарых сынға сығыңар! Хыстардың ханы кöп, Ханыбыс iссер, тозарзар! Ит чщең ирлiктер, Ибiрiлiп, сынға сығыңар! Iкi пиңе, пiс симiспiс, Идiбiс чiзер, симiрерзер!“