Хакасский героический эпос: Ай-Хуучин. - 1997. (Т. 16.)

Кӱн Арығдаң сыххан хыс Халарға хынмаан, хыс чахсызы. 6910 Тулағазын туу тартынып, Ир чахсызы тобырчығ ы н пулғабысхан, Чар полғанын ат чахсының Чара чайхабысхан, Чазы полған пудына Хамңы хаххан, Халыхтап парып, ат чахсы Ханат хағ ы н турадыр, Хан-тигiрдiң паарын кöре, Ханат табызы хоолабысхан. 6920 Кӱн Арығның палазы — Ай Чарых Хыс Харачхай хусха хубазып, Хада-п i рге кöдiрiлiбiскен. Хайзы-хайзы чирге Харындастар саабылған, Толғалып аххан суғларын Кöп кичiре учухханнар, Тоғ ы р турған тағларын Кöп азып килгеннер. 6930 Чирi пасха чирге тӱзiп, Суу пасха суға сааб ы лғаннар. Харачхай хустың Ханат чӱгi хырғылып одырадыр, Хатығ чахсы хурғуннаң Хағынып, сиип килед i р. Ӱс эрiккеннер iкi харындас, Ӱс тӱӱлiп килгеннер. Хайзы-хайзы чир саабылып, Харахтап, кöрiп тапханнар: 6940 Чарых сынның ӱстӱнде Чирнең тигiр пiрiк парыбысхан, Чоғар турған тиг i р паары Оңар-тискер тӱсчеткендег. Ах хоор ат чахсызы Абанарчы ойластығ ат полған, Алтын Iргек, ир кӱлӱгi, Абанарчы кӱстiг полған. Хан тигiрд i ң паарында Адын айландыра тарт турадыр, 6950 Чарых сынға парыбызарға Чӱрек хаппин турадыр. Алтын Теек öл халған,