Хакасский героический эпос: Ай-Хуучин. - 1997. (Т. 16.)

“Уғаа хорғыстығ кöп харындастар“. Алтын Iргек, ир чахсызы, Ах хоор атха алтанған. “Адам чахсы чирiне Айлан нан кöрим“ , — тiп, 6690 Ат алнынча аспахтас турадыр, Тöңiс Ханның палазына Анымӌохтаз ы п, хол тутхан. К i л i ң Арығ хыс чахсызы: “Чахсы чидiңер“, — т i п турадыр. Алтын Iргек, ир чахсызы, Алтон сӱрместең хапхан, Ах хоор аттың изер хасха Сари-сари тартыбысхан, Чар полғанын чайхабысхан, 6700 Чазы пудына хамң ы сапхан. Хаалых хаалыхтап парып, Ат чахсы ханат хағыныбысхан. Хан тигiрнiң паарына Хыбын, чайылып, кöд i рiлiбiскен. Хаалыхтап парып, хыс чахсы Хада-пiрге кöдiрiлiбiскен. Олерiнең хыс кiзее Öзее кӱс полған, Алтын Iргек, ир чахсаа, 6710 Тахлада тыыныбысхан. Аран чула аттың чахсызы Ах пулутты тобырыбысхан, Арығ сiл i г ир чахсызы Ат пулут ӱстӱне сыххан. Аннаң андар чирiн кöре, Ағып, тайыбысхан. Чобалбастағ хыс пала Чоғар чобал киледiр, Инелбестег хыстың чахсызы 6720 Инелiп, iрiң-кöбiкке Пат киледiр. “Изiң ирттi бе, ир чахсызы? Илге илег иттер бе? — тiп одыр. — Ағылың асты ба, алып кiзi, Арғалға чоох иттер бе?“ — тiп одыр. Алтын Iргек, ир чахсызы, Аттың ахсын чайхап одыр, Ах пулуттың ӱстӱнде Ыр ы н ырлап киледiр :