Хакасский героический эпос: Ай-Хуучин. - 1997. (Т. 16.)

6640 Хайдағ чахсы суғда Суғлығ полдыңар? Ада- iч еңер кем полған? Ады-солаңар ноо полған? Алын идеңер ат чилi толғап, Ырах париған полғазар? Тӱп идееңер сарып саптырып, Ырах па парчатсар?“ Арығ с i л i г ир чахсызы Анда чоохтабысхан: 6650 “Адам аарлығ чирi Ағылдаң ырах халған, Iцем сiлiг чурты Истең ырах халған. Чир хырығы чирде, Тигiр тöзiнде полар, Ханым сынның алты чирде Ханым талай хазынаңмын. Тоғыс хулас суны Хан позырах аттығ 6660 Хомай пӱдiстiг Хыс Хан туңмазы Хан Мирген адалығбын. Арығ сiлiг ӱс чахсы Iңелiг поладырбын. Тоғыс хулас суны Ӱс хулахтығ Ала хула аттығ Адын адирға аарыныстығ Ай Хуучын чачдлығбын, Тоғыс хулас суны Хардаң ах Ах ой аттығ 6670 Ададаң пiрге сыххан Алтын Теек абаам пар. Алты хулас суны Ах сабдар аттығ Арығ сiлiг Алтын Арығ Кiчiг чаңам пар, — теен. — Хан Миргеннiң палаз ы Алты хулас суны Ханаттығ Ах хоор аттығ Алтын Iргек ады-солам“. 6680 Тöңiс Ханның хызы Арығ сiлiг Кiлiң Арығ, “Кiзiн i ң наағыс палазы Чобалчатпазын,“ — тiп сағынған, Анаң оңарыл, тыңнап турза: