Хакасский героический эпос: Ай-Хуучин. - 1997. (Т. 16.)

Арығ сiлiг алты хыз ы на, Айланып, чоохтап турадыр. — Абаам пу чирге айлан килзе, Алты хызым, сöлебесче поларзар». Ибiрiл килген хыс чахсызы, 6600 Имнеп, томнабысхан. Ах хоор ат, ат чахсызы, Хатап тöрiп турған, Сын пöзiгi чирде Саалада пырғыр турадыр, Алты айланып, ат кӱлӱгi Саңырада кiстеп турадыр. Анаң айланып, хыс кiзi Ир чахсызын имнеб i скен — Имнебiскен аның имi 6610 Из i лбеен, им полған, Томнабысхан аның томы Тузаланып, том полған. Наа öскен ир чахсызы Хатап тöрiп турадыр. Айланып, ир чахсызы Алты хысха тоғасхан, Ибiрiлiп, ир чахсызы Читi хыснаң чоох алысхан: “Öлген чахсы позымны 6620 Тiр i гiзiп алған отсар, Öлген чахсы позымны Турғызыбыстар, читi хыс. Арығ с i лiг хыс чахсылары, Адаң-iч,еңер кем полған? Iңе-пубаңар пирген адыңар Ноо полч,аң, хыстарым?" Кiлiң Арығ, хыс чахсызы, Кӱлiнiбiзiп, чоохтан турадыр: “Кöк тастығ Ах сын алтында 6630 Адам чирi полар, Кöк тастығ Ах талай хазында Iңем чурты полар. Ах кöк аттығ Тöңiс Хан палазы Кiлiң Арығ ады-солам. Тоғыс хулас суны Хылған тӱктiг Х ы з ы л хоор аттығ Хыйан Тöңiс Хан абаалығб ы н. Хайдағ чахсы чирде Чирлiг полғазың, оолах?