Хакасский героический эпос: Ай-Хуучин. - 1997. (Т. 16.)

6550 Кöк тастығ Ах сынға, Кöглезiп, сых парчадырлар. Кист i нде турған Кирiм сынға Кöк тастығ Ах сын пiрiккен. Iкi сын пiрiккен чирде Тын хаб ы нған читi х ы с, Кирiм сынның ӱстӱне Кöглезiп сыхханнар. “Ат харағ ы " ах сӱт кöлге, Айланып, ибiрiлiп читкеннер. 6560 Аран чула ат чахсызы Теерпек ханатт ы ғ Ах хоор ат Кирiм сынның ӱстӱнде Кööп парып чатчададыр, Арығ сiлiг ир чахсызы Орта чарыл парған чадыр. Алтын осхас аның сööгi Айға частап чадад ы р, Кӱмӱс осхас сiлiг сööгi Кӱнге сустал чададыр. 6570 Тöңiс Ханның хызы, Тура тӱзiп, кöр турадыр: Арығ сiлiг ир чахсы Азып, кизiп халған. Кiлiң Арығ, хыс чахсызы, Кöңнi хаар ы ла тӱскен, Арығ сiлiг ир чахсыны, Айап, хыринда турыбысхан: «Алты хызым, кöретсер бе? Абаам пу наада чаачахтығ 6580 Сығып турчатхан, Аар итсе, аар чӱллiг Абаам Хыйан Тöңiс Хан, Пеер итсе, чир чӱллiг — Пiр нименi айабас. Наа öскен ир чахсызы Чарабас чирде чат халған, Чир чалбахтың ӱстӱнде Хайдағ ла кiзi чоғ ы л! Пу чатчатхан ир чахсы, 6590 Хынза, наағыс оол полар. Адазының чахсы чирiнде, Iңе-пабазы пар полып, “Наағыс палабыс килер“ , — тiп, Сағып полбин турлар полар, —