Хакасский героический эпос: Ай-Хуучин. - 1997. (Т. 16.)

Холтыхха хазаан мархазы Холбаңнап парыбысхан киледiр, С ы лаған от* ч i ли, ат чахсы С ы лалып* чолға, сы ы р ы ғьi п килген. Атха талалып, ир чахсы Сыбысха синi тартыл ы п одыр. 6290 Хайзы-хайзы чирде Харахха кöрiн турадыр: Чир пöзiгi Чарых сында Чирнең тигiр пiрiк парыбысхан. Хатап чайхап ат чахсыны, Хатап хамңы сапхан. Ала хула ат кӱлӱгi Хостап полбин киледiр, Алтын Теек кöр килетсе Аран чула Ала хулатты: 6300 Чарым кӱзi чох пол парған, Чарым на кӱстiг киледiр. Чир пöзiгi Чарых сынға Читiре ойлат килген. Арғалығ сынға сыхханда, Адын тохтада тартхан. Тулағазын ачып кöрзе Ир кӱлӱгi Алтын Теек, Ай Хууңын чаңазы Чалат Ханға сыдабин турадыр, 6310 Алтын Арығ, туңмазы, Хыйға Чиченге сыдабин тур. Аттаң тӱскен ир чахсызы, Iкi идеен хурға хысхан, Чобалчатхан туңмазына Читiре ойлап килген, Туңмазының хол алтына Холын суххан Алтын Теек, Холтых алтына пазын суғып, Чара тартыбысхан. 6320 Чобал парған хыс чахсызы, Чир тайанып, сööн турадыр. Арығ сiлiг Алтын Арыға Алып Хусхун тыыныбысхан: “Чабал чатта полар, Алтын Арығ, Чахсы пiсте полар“ — тiп, Арығ с i лiг Алтын Арыға Алып Хусхун сöс сöлебiскен.