Хакасский героический эпос: Ай-Хуучин. - 1997. (Т. 16.)

Ӱс артыхпын! — теен. — Чирнiң худайы читi Ирлiктең Читi артыхпын!" — тiп турадыр. Iди хыйғ ы лап турғанда Изебi чох Ай Хууцын, Чаас чарыл ы б ы схан, Ӱлгер ӱзiлiб i скендег. 5400 Абахайдың часхылары Аңналып турғаннар. Ай Хууцын, хыс чахсызы, Айланып, тасхар сыххан, Арығ сiл i г туңмалары Ай Хууцыннаң сыххан. Хан тигiрнiң паарында Ниме ыылап, соолабысхан, Ах пайзаң ибнiң алнында Ай, кӱн харағын тулғап турғандағ. 5410 Ай Хууцын, хыс чахсыны, Холтыхтаң хаап кöдiрiбiскен, Чобал турған туңмалары, Чаза хаап, чаза тут халғаннар. Анаң кöрiп турзалар, Изебi чох Ай Хууцын Ханым сынның ӱстӱне Иреп, толғалып, тӱс парадыр. Ханым сынны кöре, Iкi пала ӱкӱс салған, 5420 Улус-чонын арали Улуғ ойлазыста киледiрлер, Сын пöзiгi Ханым сынға Сығара ойлас килгеннер. Хыс чахсызы Ай Хууцынны Хатап кöдiрiбiскен, Iкi пала хыс кiзiнi Чаза хаап, чаза тут халған. Алты хат ах пулутты Ай Хууцын тобырған, 5430 Ах айастың алтында Ала харахтаң чiдiбiскен. Ханым сынның ӱстӱнде Iкi пала ачырғаныбысхан. Турғаннаң ир палазы: “Иркем, — тiп чоохтап турадыр, — Чацам Ай Хууцынны Сӱрiзерге чöрбiн“.