Хакасский героический эпос: Ай-Хуучин. - 1997. (Т. 16.)

Ай Хуучын той соонда Ӱс кӱн iскен, 5350 Пöг i мi чох Ай Хуучын П i лбес тамасха тӱскен*, Ырын ырлабысхан Ай Хуучын, Кöгiн кöглебiскен: “Чоғар турған читi Чайааннаң Ас кинекпiн, — тiп турадыр, — Чир худайы читi Ирлiктең Тиң дее поларым“ , — т i п турадыр. Нигелерi, абылас кил i п, Тызып, хызып турадыр. 5360 Тысханына Ай Хуучын П i р дее килбин турадыр, Iкiнчiз i н Ай Хуучын Хыйғы салып, хыйғы тöгiбiскен: “Чоғар турған читi Чайааннаң Тиң дее полар Ай Хуучын! Чир худайы читi Ирлiктең Ӱс арт ы х Ай Хуучын!“ Изебi чох Хан Хыс: “Иркем Ай Хуучын, — тiп чоохтаан, 5370 Чайааннаң чазығ тӱс турза, Аары сидiк полар, Хыйан чилi тӱс турза, Сооғы уғаа сидiк пол турар...“ Изебi чох Ай Хуучын, Айланып, тур киледiр: “Хыйа парыңар миннең, Ырах чöрiңер! — тiп турадыр. — Хыйан чилi тӱс турза, Сооғы сiлерге полбас! 5380 Сооғы полар полза, Ай Хуучынға полар! Аары тӱс килзе Улуғ Чайааннаң, Аары сiлерге полбас! Аары полар полза, Ай Хуучынға полар! “ Ай Хуучынның алнында Iкi туңмазы алдан турадыр: “Ай Хуучын чача кiзi, Ағылыңар аспазын!“ — тiп турадыр. 5390 Изебi чох Ай Хуучын Аннаңох тың иртiнiбiскен: “Чоғар турған читi Чайааннаң