Хакасский героический эпос: Ай-Хуучин. - 1997. (Т. 16.)

Алып Хан Хыс ӱрген, Илiг сӱрмез i н Кӱн Арығның Ил, чон палалары чучаан, Игiр чахсы тулиин Iкi абызын ӱрген. 5310 Омырға патпас тулуңнығ Ӱс абызын полған. Аарлығ торғы кип кизiп, Арығ сiлiг Ай Хууцын Аарлығ абаазының тойы-пайын Устап пастабысхан. Алты кӱн азыра Арғал чон мöтеен, Читi кӱн ирт i ре Чырғалға тӱскен ил, чон, 5320 Тоғыс кӱнге сығара Тойлап, пайлап парғаннар. Аарлығ чахсы чырғалда Ай Хууцын наххлап турадыр: “Абаазының тойы-пайында Ай Хууцын ырлабин, кем ырлир? Нигелернiң тойы-пайында Туңмазы кöглебин, кем кöглир?“ Аар айланып, ырлап турза, Алты кӱннiг табызы, 5330 Чайхаңнап, кöглеп турза, Читi кӱннiг табызы. Хара полған чирiне От сығара ырлир ч i леп ырлаан, Пӱр i тӱс парған ағасха Пӱр сығара кöглир чiлеп кöглеен. Тосха чайған тоозьiлғанда, Толай чоны тараан, Хазандағызы тӱгенгенде, Халых-чоны тарабысхан. 5340 “Хыстың тойы-пайы Хысхацах", — теен ниме полғанох. “Оолның тойы-пайы Ас полды“ , — тиис турадыр. Тойы-пайы тоозылғалахха Чуул халған Кӱн Тöңiс Хан, Хан Мирг е н, ир чахсызы, Чуулып, аңнал халған.