Хакасский героический эпос: Ай-Хуучин. - 1997. (Т. 16.)

Сах iдöк чуртапчададыр. Улуғ аалның ортызында Ӱс улуғ иб, Тöртiнцiзi позының ибi полған. Халын аалды кöре, Хыс чахсызы ин тӱскен, Халых, аймах чоны Хыйғылас, соолас турадыр: 5090 “Пурун парған ат чахсызы Пурулып киледiр Ала хулат, Иргiде парған хыс чахсызы Ибiр i л киледiр Ай Хууцын“. Аалға кiрген ат кӱлӱгi, Аал аралаан Ай Хууцын, Ах пайзаң ибнiң алнында Анда тохтадып турадыр. Ахсах аның чац а зы Ах хыр саап парыбысхан, 5100 Улуғ алып Ай Хууцынны Удурлап сых киледiр. Ад ы н ала пирердег чацазы, Ал позын холтыхтап тӱзӱрердег, Ай Хууцын, хыс кiзi, Ала хулатты палғаан, Анаң айланып, чацазына Анда тоғасчададыр. Ӱс чахсы нигелерi Прайзы сыххлап килген, 5110 Пöгiм i чох Ай Хууцынға Прайзы тоғас турадыр. Ах хыр саап парған чацазына Анда айланып кiргеннер. Алтын стол тартыбысхан чацазы, Азы-суун турғысхан абахайлар. Таллан, сайбанып, хыс кiз i Ас чирге одырыбысхан. Ас адай чiли, хыс к i зi Аспап одырыбысхан, 5120 Астап парған пӱӱр ч i ли, Суғынып одырадыр. Хоостап ит салған тамахты Хомзынмин иреп турадыр, Чазап ит салған тамахты, Чахсы даа тайнабин, азыр турадыр. Тоозып, тохарап, хыс кiзi