Хакасский героический эпос: Ай-Хуучин. - 1997. (Т. 16.)

Хара сынның ӱстӱнде Адын тохтада тартыбысхан. Аархы сарин хыс кiзi Ай Хуучын кöр турадыр: Харғаналығ хара чирде 4730 Талалбаанда чирi чоғыл, Холлаан тöзенiп, Хара сында Кöп ат аңнал халған, Холын частанып, Айна-чиктер кöп öлген поладыр. Хан Мирген абаазын Кöр таппин турадыр, Изебi чох Ай Хуучын, Ибiрiлiп, сағын турадыр: “Чарабас чирде абаач а ам 4740 Чат халды полар, Илебес чирде нағыс абаам Иртiп халды полар“. Алып сööгi — ала тағ, Ир сööгi — искiр тағ осхас. Анаң хайди идiп кöр турза Изебi чох Ай Хуучын, Хан Мирген абаазы Арғалығ сынның ӱстӱнде одырчададыр. Пура тартып аран чулазын, 4750 Палбыда пастыртыбысхан, Хан Миргеннiң хырина Хыс кiзi читкен. Аттаң тӱзiп, Ай Хуучын Абаазын турғыза тартхан, Изен салып, изеннезiбiскен, Миндi салып, миндiлезiбiскен. “Иркем-кинчем Ай Хуучын, Чит килдi оотсар*“, — тiп турадыр. “Абай харындас, абаа кiзi, 4760 Кöп нименi öдiрдi оотсар, Хара сынның алтына Хара айн а кöп чы ы лт ы р, Хара сынның ӱстӱнде Халын ойын полтыр. Пöгiм i чох ойынны Паспин халды одырбын. Сӱрiс килген нимеңнi Чит полғазың ма, абаа кiзi? Тiлеп килген нименi