Хакасский героический эпос: Ай-Хуучин. - 1997. (Т. 16.)

4680 Хубулдырарға пирбеен, Хара чирге читкенде, Орта, мӱне одыра тӱскен, Тоғыс хулас суны Ӱс хулахтығ Ала хулат Ай Хууңынның хьiринда Тiзелектенiп, чадыбысхан. Ир палғанаң сарығ хайызын Систе тартхан Ай Хууңын, Алып Хусхун ир чахсыны 4690 Хус пасти*палғабысхан, Iнек улииндағ хара тасты Чарнына чапсыра палғаан, Ала хула ат чахсаға Алып Хусхунны артыбысхан, Хыстың кӱлӱгi Ай Хууңын Ала хулатха алтаныбысхан. Ӱс хулахтығ Ала хулат Тыспасча сöге* тӱс турадыр, Изебi чох Ай Хууңын 4700 Палбыда пастыртыбысхан. Чалбах талай суға чидiп, Аттаң тӱскен Ай Хууңын, Чон хынмаан Алып Хусхунны Талай тиңiзiне тастаан: “Арғал читiре харғабаан полза, Ай Хууңын читiре харғабызар!“ — Ала хула ат чахсаа Алтаныбысхан Ай Хууңын, Чар полғанын чайхабызарға 4710 Тулағазын туу тартыныбысхан, Чазы парыбысхан пудына Тобырчыхнаң сапхан, Аран чула ат кӱлӱгi Кирiл, сööлiп, ойлаан. Ат алнында тигiр паары Азырлап кӱгӱрт чоллаан, Аттың соонда чирдiң ӱстӱ Хара пыр тартылыбысхан, Хайзы-хайзы чирге 4720 Хыс чахсызы сабылған. Харғаналығ Хара сынны Харахха кöрiп тапхан, Кöрiм-хайым аразында Хара сынға чапсыра ойлаан,