Хакасский героический эпос: Ай-Хуучин. - 1997. (Т. 16.)

Пöзiк сыннаң индiре ойлаан, Хызара кöйген иб ибiре 4370 Хырых алып к öрiк пас тур. Хан Мирген, ойлап килiп, Хара тас ибнi хаххан — Хырых алыптың хайзы-ползазы Хыйа ойласлап турадыр, Хыйа ойлирға маңнанмааны Тасха пастыр турадыр. Хара тас ибдiң тiрöзi Тимiр тiрööс полған, Тимiр тiрööске час паланы 4380 Тимiр позығнаң позығлап салған. Хан Мирген хырина килiп, Час палазын азырған, Имiн салып, имнебiскен, Имi им полған, Томын салып, томнабысхан, Томнаан томы туза полған. Хатап пӱткен оолағас, Хатап тöрiп турадыр. Пöгiмi чох Хан Мирген 4390 Паарынаң сыххан палазын Хаап сiлiгiбiскен — Алтын чӱстӱк иткен. Молат öдiгiн суурыбызып, Оос-палтыр ы н чара кизiб i скен. Оң сари оос-палтырына Оолахты суғыбызып, имнеб i скен, Сол сағы оос-палтырына Хызын суғыбызып, томнабысхан: “Аархы айна-чабалға 4400 Алдырыбыссам, палаларым, Айна-чиктiң харағына Кöрiнмесче поларзар, Халын идiм тӱгенчетсе, Хатығ сööгiме кiрерзер, Хыз ы л идiм тӱгенчетсе, Хыйғанах сööгiме к i рерзер11. Ӱс хатап ӱрiбiскен ир чахсы, Ӱс хати тӱкӱрiбiскен — Хатап тöреен оос-палтыры, 44Ю Хатап пӱт парған. Арғазы пöзiк Хара сынға Айлан сых киледiр.