Хакасский героический эпос: Ай-Хуучин. - 1997. (Т. 16.)

Тура сегiрген. Сағын турған ир чахсы, “Сын позыма кiрим“ , — т i п. Сынназа даа ир кӱлӱгi Сын позына к i рген, Паарынаң сыххан палазына, Паарап*, паарсабысхан. 4330 Хапхан хыс паланы, Хан Мирген сiлiгiбiс к ен — Арығ сiлiг хыс паланы Алтын чӱстӱк иткен. Хойны-холтығына суғып, Хара тас ибдең сыххан, Хараағы тӱнде Хан Мирген Халын чуртты аралабысхан, Тарых парып, Хан Мирген Тағ пöзiгiне сыххан. 4340 Тоғыс путтығ п ағыр тохпағын Хаап парған Хан Мирген, Хапчылығ Хара хайазар Хан Мирген пас килеедiр. Хара хайаа чит килiп, Харап, кöр турыбысхан: Хара сынның арға саринда Хара тас иб турчададыр, Хара тас ибi Хызара кöйiп турадыр, 4350 Хара чирдiң ӱстӱ Хара пыр тартыл турадыр, Хан-тигiрнiң паары Хызара кöйiп турчададыр. Хан Мирген тыңнанып турза, Хара тас ибде чобалчад ы р Паарынаң сыххан палазы, Пöгiмi чох Хан Миргенн i ң: “Хара чирдiң алтына Пубам Хан Мирген 4360 Хайди килбинчадыр? Чик айнаның чирiне Чецем Ай Хууңын килер полған. Чоғар турған Чайааным Тыным пигöк чайаап салған, Улуғ чахсы худайым, Тыным ал ы с“ , — т i п турадыр. Пöгiмi чох Хан Мирген