Хакасский героический эпос: Ай-Хуучин. - 1997. (Т. 16.)

Орай пол парыбысхан, Хара сынны кöрiп тапхан, Хара сынға хара адай Харах хасча сығара ойлаан, Аархы с ағы сарин Харап, кöрiп турадыр: Хара талай суғ, 4150 Салғал ы п, ах парыбысхан. Хара сынның алтынаң Тӱгi пасха мал чöр парған, Хара талай хазынаң Тӱрсӱн i * пасха чон чуртап парған, Аалдың ортызы чирде Хара тас иб турчададыр, Хара тас ибнiң алнында Хара сӱреелiг ат полған, Кöрiнмес айна-чиктер 4160 Харлығасти хайнас турадыр, Хара сеек чiли, ыылас турадыр. Аалды кöр турғанда, Аалдаң сығара чорт киледiр Хазыра улииндағ Тöрт кöстiг хара адай. Аал хадағӌызы хара адай Хара сынға сых киледiр, Хан Миргеннiң чызын алып, Ом ы дыбысхан* киледiр. 4170 Изебi чох Хан Мирген Хара тасха кöлен турадыр. Iнек улииндағ хара тастың Хырина читкен хара адай. Изебi чох Хан Мирген Пағыр тохпағын хапхан, Адай даа полза, оңдайлап, Хара адайды сапхан — Аал хадағңызы хара адайды Чалбайта хаххан Хан Мирген. 4180 Iкiнңiзiн хара адайды Сапхан Хан Мирген — Адай чалғир ханы чох полған, Iнек чыстир нiнi чох полған. Аннаң андар хара адайның Пағыр тохпағы аз ы р ы л парған, Пағыр тохпағын Хан Мирген Хара тасха чöли тастаан,