Хакасский героический эпос: Ай-Хуучин. - 1997. (Т. 16.)

Анда чоохтабысхан: “Чирдiң ӱстӱнде чöргенде, Кӱннiгöк чахсы полғабын. Чир алтына тӱскенде, Кöрiнмеске саннығ полдым“. “Кӱннiг чахсы чир i нде Ады-солаңар кем полған? “ — 4060 Хан Мирген, ир чахсызы, Аттаң тӱспин, сурап турадыр. “Арғалығ Хара Хум сын алтында Адам чирi полған, Хум талай суғ хазында Iӌем чурты полған. Тоғыс хулас суны Хара торығ аттығ Алып Хусхун ады-солам. Чир ӱстӱнде чöрчеткенде, 4070 Чазығы чохты кöп чатхысхам, Кӱнн i г чахсы чир i нде Обалы чохты кöп öдiргем, Хара чирдiң алтына Харғысха кiрiп килгем. Хан Мирген, кöре тастаба, Хайди даа пол з а, турғызыбыс!“ Хан Мирген, ир чахсызы, Анда чоохтабысхан: “Харғысха кiрген нименi 4080 Хайди турғызыбысчаңмын? Хайди кiргезер харғысха, Iдöк сығазар позыңар". Аттың ахсын пура тартып, Чар полғанын чайхабысхан, Хартыға хус ч i ли, Хан позырах ат, Хаалап, ойлап сыххан, Хан Кирет хус осхас Кир i лiп, сиил i бiскен. 4090 Хайзы-хайзы чирге Ат чахсызы сабылған, Ноо-ноо суға Ир кӱлӱгi тӱзiбiскен. Хан Миргеннiң соонда Хан Миргеннi харғабысхан: “Ойлап парчатхан чирiнде Хан позырах а т тың,