Хакасский героический эпос: Ай-Хуучин. - 1997. (Т. 16.)

Чирдiң тӱбiн ӱзе сапт ы рған, Азып, кизiп халған: 4010 Кöксi чир ӱстӱнде халған, Чарымызы чир алтында халған. Тоғыс хулас суны Аран чула Хан позырах ат Хара чирдiң алтына Кире сеiiр парыбысхан. Хан позырах, ат кӱлӱгi, Пiр чирiн ӱзе саптырбаан, Хан Мирген, ир чахсы, Пiр чирiн кизе саптырбаан. 4020 Хара чирдiң алтында Сомы пасха чир полған, Чабал чирге сааб ы л килгенде, Сондыры* пасха суғлар полған. Хайзы-хайзы чирге Хан позырах ат сабылған, Хара чирдiң алтында Хан Мирген килет килген. Хайзы-хайзы чирде Хыйғы табызы истiлген: 4030 “Хан Мирген, ир чахсызы, Хабырғамнаң хайа пир!“ “Ноо ниме полд ы ?“ — тiп, Хан Мирген адын пура тарт килген, Ат арғазы пилде Аран чула атты тохтатхан: Ат арғазы пил ӱстӱнде Алып кiзi чатчадыр, Öлбеен позы ир чахсызы Öзелiп чадып чададыр, 4040 Ӱзiлбеен тыны алып кiзi, Хара сӱнее саап парыбысхан*: “Иркем-кинңем Хан Мирген, Турғыза тартыбызыңардах...“ Хан Мирген кöр турза, Алып кiзi хыймыхтаан сайын патчадыр. Изебi чох Хан Мирген Анда сурапчадыр: “Пiди чадыпчатхан Ноо ниме поларзар? 4050 Кӱнн i г кiзi полңаңзар ба? Кöрiнмес айназар ба?“ Чатханнаң алып кiзi