Хакасский героический эпос: Ай-Хуучин. - 1997. (Т. 16.)

Хан позырах ат пурул киледiр, Иргiде парған ир чахсызы Хан Мирген ибiрiл киледiр, Ӱрде полған ат чахсызы Хара кӱре ң ат ин киледiр, 3700 Ӱрде полған Кӱн Хан палазы Кӱн Тöңiс Хан килчадыр“. Аал арали ӱс чахсы Ах иб алнына читкеннер, Ах Чiбек Арығ, хыс чахсызы, Аарынып, уйадып, Кӱп тöзекке чада парып, Чорған туу тартыныбысхан. Азыр пастығ чечпеге Аттарын палғааннар, 3710 Ах пайза ң ибге айланып кiргеннер. Изен салып, ир чахсылары Изеннес турадырлар, Миндi салып, ӱс чахсы Минд i леб i скеннер. Изен-миндi ирткенде, Таллан, сайбаныбысханнар. Хан Мирген, ир чахсызы, Хуйах кибiн iле тастап, Азахсар хайдағ нименi 3720 Саларға айлан килген, Чорған алтынаң кöрзе, Öдiк пазы сығып одыр. “Хыс Хан пу нименi Ноға мында таст а бысхан?“ — Öдiк тiп, хаап тартханда, Кöксiнең прай хыймыхтабысхан : “Поч!“ — тiп, ир чахсызы Чорған аца тартыбысхан — Арығ сiл i г хыс чахсызы 3730 Ах Чiбек Арығ тур киледiр . Изен салып, ир чахсызы Изеннес турадыр, Миндi салып хыс кiзее, Минд i лезiп, тоғасхан. Хан Мирген, ир чахсызы, Хан Хыстаң сурап турадыр : “Арығ сiлiг хыс пала Кемнiң палазы полңаң?“ Хыс Хан, абахай чахсы,