Хакасский героический эпос: Ай-Хуучин. - 1997. (Т. 16.)

XX 3650 Iди чуртапчатханнарында Изебi чох Хан Хыс, Чир х ы рығы чирде Чирнiң ӱстӱ илгелiбiскен, Чоғар турған тигiр паары Чайхал ы п, мондылыбысхан, Хатығ табаннар, Ат тiiiрт i тiгiреп саабылған, Хатығ наахтығ алып сағбазы Пу чирге саабыл килчадыр, 3660 Салғып ах килген суғлар чiли, Соолап киледiр, Ыылап тӱскен чил чiли, Ыылап, килчедедiр. Арғазы пöзiк Ханым сынға Аран чула ат саабылған, Сын пöзiк Ханым сынға Сығара ойлас турадыр, Ат чахсызының чилi Ала саң тöрiп ирткен. 3670 Абахайның чахсызы Алып Хыс Хан айлан килген, Алтын полған хаалханы Ача чачыбысхан, Арғалығ Ханым сынны Харап, кöр турыбысхан. Арғалығ сынның ӱстӱне Аран чула iкi ат сыххан, Тоғыс хулас суны Хан позырах ат турыбысхан, 3680 Хан Мирген, ир чахсызы, Харап кöр турчададыр. Хан позырахтың хыринда Хара кӱрең ат турчададыр — Кӱн Ханның палазы Кӱн Тöңiс Хан хостап килген. Арығ сiлiг хыс чахсызы, Алтон сӱрмезi арғаа чайылып, Кӱн Ханның хызы Кӱн Арығ килiбiскен. 3690 Улуғ полған аалны кöре Ӱс чахсы ин тӱс киледiр, Арығ с i лiг ил-чоны Анда хыйғылас турған: “Пурун парған ат чахсызы