Хакасский героический эпос: Ай-Хуучин. - 1997. (Т. 16.)

Тамағын кизiбiскен хан осхас. Пiр алып, тур килiп, Оолахтың хамағына сиртеп тур. 3610 Аннаң андар кöр турза, Прайзы сиртеглеп тур. Тирек тiзе, салааз ы чох, Тибе тiзе, пӱгiрi чоғыл Ат кöдiрбес алып кiзi, Айланып, тур килген, Частаң орай паланы Айланып тепкен. Тöдiр ойлап парып, час пала Алыпха чöленiп сööнген, 3620 Андартың пасхазы Iк i нӌiзiн пирiбоғысхан. Аны кöрiп, абахай чахсызы Ала харах чазы Аңнахтап тӱскен, Iкi харахтың чазы Iлiнминöк тӱзiбiскен. Абахайдың чахсызы, Айланып, тура сегiрген: “Алай-алай, палаларым!“ — 3630 Инел, чобалыбысхан, Ах Чiбек Арығ, хыс чахсызы, Абахайның чобаана сыдабин, Хыринда турып, инелiбiскен, чобалыбысхан. Ӱр бе, ас па ӱс чахсы Оорлазып, тохтааннар. Хан Хыс айлан килiп, Хатап кöрiп одырған, Хара чирдiң алтына Читiре кöрiп парыбысхан, 3640 Хара сынны азыра кöр килген, Хара тас ибге кире кöр турадыр. Паарынаң сыххан iкi палазы Пiр дее чирде чох пол парған. Абахай чахсы Хан Хысха Улам ачырғастығ пол парған, Хара чӱрегi хайнап таа турза, Хайдар парар Хан Хыс, Халын чахсы чуртында Хыстарнаң чуртабысхан.