Хакасский героический эпос: Ай-Хуучин. - 1997. (Т. 16.)

“Хазыра улии хара адайларынаң Хан Хысты пiрiккен“ , — тiп. Изебi чох Хан Хыс Ирленген полар адайларын. Хызым, хайдазың? Хыйа параах пулардаң!» — Харағы чох хуу хат Хыс палам ы наң сых парғаннар. 3480 Олар сыххан соонда Оңар ы л парған Хыс Хан. Айланыбызып, абахай чахсы: “Абызын, хайдазар?“ — теен, Ах Чiбек Арығ, хыс чахсы, Алнында турыбысхан. “Паарымнаң сыххан паланы Пирдек пеер“ , — тiп турадыр. Ах Чiбек Арығ, хыс чахсызы, Айланып, чоохтап турадыр: 3490 “Абызын Хан Хыс, Пала кöрбедiм, Хайдағ нимелер чылыс тур, Iкi ниме пар“ , — теен, Хыс Хан абахайға Адай палаларын пирген. Абахайның чахсызы, Адай палаларын кöрiп, Ачырғанмасча позы Ачырған килiп, тур килеедiр, 3500 Пузырғанмасча абахай чахсызы Пузырған килеедiр: “Аллығ чирдiң ӱстӱнде Арығ с i лiг чон, Адай палазын туған ниме Пiр дее чирде чоғыл“. Iкi кӱлӱктi апарып, Сығара атыбысхан. Атар таң атып турадыр, Арығ кӱн харағы сых турадыр, 3510 Арығлан, с i лiгленген Абахай чахсы Хан Хыс, Арығ сiлiг Ах Чiбек Арығ Алтын столын тартхан, Алтын столның кистiне öдырып, Ас чiп одырғаннар. Ас чирге иткен Хан Хыс,