Хакасский героический эпос: Ай-Хуучин. - 1997. (Т. 16.)

Сыртпа сӱрместiг хыс пала Iкi тайах хапхан, Пiр тайағын абахай чахсы Тайаныбызып, сых килеедiр, Пiр тайағынаң хыс пала Чидектеп пас сыххан. Ах Чiбек Арығ, хыс чахсызы, Холтыхтаң хапхан абахайны, 3390 Улуғ аалны арали Ах иб алнына читкеннер. Абахай чахсызы, Айланып, чоохтап турадыр: “Кiрiңер, хыстарым, ибге, Кööлч,е мин кiрерб i н“. Арығланып, абахай чахсы Анда тура халған. Ах Чiбек Арығнан хыс пала Ах ибге кiргеннер. 3400 Хан Хыс, абахай чахсы, Аарда айнада чоғыл, Пеерде кӱннiгде нимес осхас. Олардың соонда ипчi кiзi Пасхыс алтын ходырыбысхан — Хайдаа-хайдаа хара адай Туубысхан чадыр, I кi кӱнӱк алып, Хойын-холтиина суғыбысхан. Аннаң айланып, кiр килген ипчi кiзi, 3410 От соонда, килiп, одырыбысхан. Хайдаа-хайдаа изеп турадыр, Ахсын улуғлаан ачып. Öдiгiнiң хонңызынаң* Хаңза, милчеен* сығарған, Тамкызын таарлап, Тамызарға кöс сурап турадыр — Сыртпа сӱрместiг хыс пала Турун ағыл пирген. Ах Чiбек Арығ, хыс кiзi, 3420 Миндеп, тарых парыбысхан: “Кöрзе хапчығай, кирiм, Пу кiзi хайди пол парадыр?“ Абахай чахсы, Ӱр бе, ас па полғанда, Айлан килген. Сыйбап, тутлап кöрiп,